Bul osylaı bolǵan

Kúmis qanat ushaq Vnýkovo áýejaıyna kelip qonǵanda ymyrt úıirilip qalǵan edi. Qas-qaǵym sátte-aq qarańǵylyq qoıýlanyp shyǵa keldi. Sýmańdaǵan sýyq jel alyp ushaqtyń jyly salony­nan shyqqan jolaýshylardyń qoı­yn-qonyshyn keý-
lep, denesin titi­ret­ti. Shyńyltyr aıaz bet shymshıdy. «Al­matyda aýa raıy ashyq, kún jyly edi, – dep oılady ol. – Máskeý aspanyn qor­ǵasyndaı aýyr, qaraqoshqyl bult tor­lap alypty. Osyndaı kóz baılaıtyn bulyńǵyrlyqty janym súımeıdi. Ta­bıǵattyń da, onyń eń ǵajaıyp týyn­dysy adamnyń da ashyq, jaıdary bol­ǵa­nyna ne jetsin. Júregim asaý attaı tý­lap, atqaqtaı soqqany nesi? Sezimim al­damaýshy edi, bul neniń belgisi?.. »
– Nursultan Ábishuly, salamatsyz ba? – Ol oı ormanynan shyǵyp, daýys shyqqan jaqqa qarady.
– Salamatsyz ba?
– Men Borıs Nıkolaevıchtiń tapsyrmasymen sizdi tosyp turmyn.
– Jaıshylyq pa?
Aspan tústes kógildir kózdi, suńǵaq boıly, sulýsha jigit jaryqshaq daýys­pen jasqana sóıledi: 
– Borıs Nıkolaevıch shuǵyl habar­la­sýyńyzdy ótindi. 
Ekeýi júre sóılesip asa mártebeli jolaýshylar aıaq sýytatyn bólmege ke­lip kirdi. Elsınniń ókili Belovejge qo­ńyraý shaldy da, telefon trýbkasyn Nazarbaevqa usyndy. 
– Nursultan Ábishuly, dál qazir shuǵyl túrde Belovejge ushyp kelýińdi ótinemin, – dedi Elsın. 
– Ne úshin? – dedi Nazarbaev El­sınniń asyǵys sóılegen daýsynan ál­de­­bir abyrjýshylyqty ańǵarsa da, qa­shanǵy ádetimen sabyr saqtap.
– Reseı, Ýkraına, Belorýssııa úshtigi shuǵyl túrde asa mańyzdy qujat ázirlep, tap osy jerde soǵan qol qoıamyz. Soǵan Qazaqstannyń tórtinshi bolyp qosylýyn qalaımyz. Shýshkevıch pen Kravchýktyń da ótinishi osy.
– Ol qujat ne týraly?
– Keńes Odaǵyn taratý týraly. 
Elsınnen soń Belorýssııa basshysy Shýshkevıch te, Ýkraına prezıdenti Kravchýk ta Nazarbaevpen telefon arqy­ly tildesti.
Reseı, Belorýssııa, Ýkraına pre­zı­­­dentteri Qazaqstan Prezıdenti Na­zar­baevqa úsheýlep salmaq salǵanda bá­ri­niń aıtatyny bir sóz: shuǵyl túrde Belovejge ushyp kelip, asa mańyzdy qujatqa Qazaqstan atynan qol qoıý. Jaratylysynan keńpeıildi bolsa da, Nursultan Ábishuly bul usynysty qabyldaı almady. «Úsh birdeı iri memlekettiń atynan sóılep turǵan asa mártebeli, bıik be­deldi eski dostarymnyń kóńilin qansha qı­masam da, qınalsam da, el senimin aq­taý­ym kerek. Maǵan halqymnyń qamy­nan qymbat eshteńe joq!» Qas-qaǵym sát­te osyny oılap úlgergen Qazaqstan basshysy shu­ǵyl sheshim qabyldady.
– Elmen aqyldasyp, keńesip almaı ondaı asa jaýapty qujatqa qol qoıa almaı­myn, – dedi Nursultan Nazarbaev. Qazaqstan Pre­zıdentiniń kesimdi sózinen keıin úsh­tik odaq óz isterine kirisip ketti. 
Al ol qaıtadan oı ormanyna oraldy.

«Sonda bul qalaı bolǵany? Tuıyq­tan shyǵýǵa jantalasqan Gorbachev elde qalyptasqan jaǵdaıdy talqylaý úshin Ýkraına, Belorýssııa, Reseı jáne Qazaqstan prezıdentterin Kremlge shaqyrǵan joq pa edi? Sol sátte emes pe, Elsınniń maǵan telefon shalyp: «Men Belorýssııaǵa ushpaqpyn. Kravchýk ta son­da kelmekshi. Sol jerde aqyl qosyp, Gorbachevqa naqty usynyspen kelemiz» degeni.

«Sonda bul qalaı bolǵany? Tuıyq­tan shyǵýǵa jantalasqan Gorbachev elde qalyptasqan jaǵdaıdy talqylaý úshin Ýkraına, Belorýssııa, Reseı jáne Qazaqstan prezıdentterin Kremlge shaqyrǵan joq pa edi? Sol sátte emes pe, Elsınniń maǵan telefon shalyp: «Men Belorýssııaǵa ushpaqpyn. Kravchýk ta son­da kelmekshi. Sol jerde aqyl qosyp, Gorbachevqa naqty usynyspen kelemiz» degeni. Gorbachev Odaqtyq sharttyń barlyq nusqasynda óziniń jeke bıligin saqtap qalýǵa jantalasyp baǵýda. Al Elsın bastaǵan top oǵan jol bergisi joq. Osynyń sońy saıası taıtalasqa aparyp soqpasa jarar edi. Gorbachevtiń bulańquıryq saıasaty kúmándi kóbeıtip, tumandy qoıýlatyp barady. Sonyń saldarynan eldegi ekonomıkalyq qana emes, saıası reformalar da tuıyqqa tirelip tur. Tuıyqtan shyǵar jol qaıda? Elsın, Kravchýk, Shýshkevıchtiń oıynda ne bar? Qazaqstan úshin qaı jol tıimdi? Meniń qandaı baılam jasaǵanym jón. Saıasat ta egin sııaqty, ne ekseń, sony orasyń. Áliptiń artyn da baqqan jón shyǵar, áıtse de, qapy qalýǵa haqym joq. О́mirdegi ózgeristerge oraı ýaqytpen birge adymdaıtyn batyl da shuǵyl sheshimder kerek. О́reń jetse oqıǵa men ýaqyttyń aldyn orap ket. Saıasatta asyǵýǵa da, keshigýge de bolmaıdy...»

Aınymas serigine aınalǵan aýyr oılar Nursultan Ábishulyna tún ortasyna deıin uıqy bermedi. Qansha kesh jatsa da qanǵa sińgen qashanǵy daǵdysymen erte oıanyp, tósekten sergek turǵan ol er­te­sine kúnilgergi kelisim boıynsha Kre­mlge, Gorbachevqa keldi. Nursultan Nazarbaev Gor­bachevtiń jeke ózimen kózbe-kóz sóı­le­sermin dep oılaǵan, áıtse de, Elsın de sonda eken.

Úsheýiniń arasyndaǵy qııýy qash­qan qıyn áńgime eki saǵattaı sozyldy. Gorbachev pen Nazarbaevtyń suraq­ta­ryna Elsın tolyqqandy jaýap ber­di. Belovej qoryǵynda bas qosqan úshtiktiń atynan Sovettik Sosıalıstik Respýblıkalar Odaǵynyń taratylǵany jáne Táýelsiz Memleketter Dostastyǵy jarııalanǵany aıdan anyq boldy. Sol sát Gorbachevtiń jaltyr basy sol jaq shekesindegi qalyna deıin tership, surǵylt júzi onan ári surlanyp shyǵa keldi...

Kremlden shyǵa salysymen Qazaq­stan­nyń Máskeýdegi elshi­li­gine kelgen Nursultan shetel jornalshylarynyń úl­ken tobymen baspasóz máslıhatyn ót­k­izdi. Ol óziniń Máskeýge ýaǵdalastyq boı­ynsha Odaqtyq sharttyń jobasyn tal­qylaý maqsatynda Reseı, Ýkraına, Be­lorýssııa basshylarymen kezdesý úshin kelgenin, alaıda, kútpegen jaǵdaıǵa tap bolǵanyn, Belovej úshtigine eshqandaı qar­sylyǵy joqtyǵyn aıta kelip, ult­tyq, etnıkalyq belgilermen saıası top­tasýdyń asa qaterli ekenin qadap aıtty. 

– Atom qarýlary shoǵyrlanǵan Reseı, Ýkraına, Belorýssııa, Qazaqstan bir saıası odaqta bolǵany jón. Munyń ózi burynǵy keńestik keńistikten ıadrolyq qaýip-qater bolmas pa eken degen dú­nıe­júzilik qaýymdastyqtyń kúdigin seıilter edi, – dep atap kórsetti. 
KSRO quramynda bolǵan respýb­lı­kalardyń táýelsizdigin tanyp, saıası jańarýdy órkenıetti jolmen júzege asyra otyryp, olardyń Birikken Ulttar Uı­y­myna múshelikke ótýine de jol ashý­y-
­myz kerek degen oı baspasóz máslı­ha­tynyń ózegine aınaldy. 

Jeltoqsan aıynyń onynshy juldy­zyn­da Almatyda Nursultan Qazaq So­vettik Sosıalıstik Respýblıkasy degen ataýdy Qazaqstan Respýblıkasy dep ózge­r­tý týraly Jarlyqqa qol qoıdy. 

Biraýyzdan maquldanǵan Má­li­m­demede Táýelsiz Memleketter Dos­tas­tyǵyn qurý barysynda keńestik ke­ńis­­tiktegi respýblıkalardyń quqyq­tyq teńdigi saqtalýy qajettigi qadap aı­tyldy. Sonymen birge, Táýelsiz Mem­le­­ketter Dostastyǵynyń teń dáre­je­li qu­­ryl­taıshysy bolaıyq degen usy­nys ta kún tártibine qoıyldy. 

Sol tarıhı kúni búkil halyq saı­la­ǵan Qazaqstan Respýblıkasynyń tuń­ǵysh Prezıdenti Nursultan Ábishuly Nazarbaevtyń óz qyzmetine kirisýine arnalǵan Joǵarǵy Keńestiń saltanatty májilisi boldy... 
Nursultan saltanatty májilisten kesh qaıtsa da, jatar aldyndaǵy jel­pi­niske shyqty. Túngi Almatyny samaladaı jarqyratyp jibergen elektr jaryǵy ashyq aspanda jymyńdaǵan sansyz juldyzben jarasa jarqyraıdy. Alataýdyń myna bir tusy alǵa qarap atylǵaly turǵan taý taǵysy – barysqa uqsaıdy. Áne bir alqarakók shyńnyń ushar basyna qona qalǵan aqsharby bult qyz moınyna oralǵan aq oramal sııaqty. Aınala tóńirek keshkisin jaýyp ótken jyly jańbyrmen shaıynyp, shań, tozańnan tazaryp qalypty. Taý jaqtan soqqan taza aýamen keýde kere demalyp, aınalaǵa súısine kóz tastaǵan Ony saýaly kóp, jaýaby joq samsaǵan san oılar bılep aldy. 

«Qazaqstan muhıtta júzgen alyp keme. Al ony mekendegen san ult pen ulys­tan turatyn respýblıka tur­ǵyn­dary sol kemedegi shyǵarda jany bir, taǵdyry ortaq jolaýshylar. Halyq maǵan sol kemeniń shtýrvalyn ustatty. Bul keme sosıalızm jaǵalaýynan uzap ket­ti. Ázirge aty belgisiz arǵy jaǵa­laý­ǵa jetkenshe alda uzaq jol jatyr. Onyń qaýip-qateri kóp, qıyndyǵy da az emes. Kúni keshe jaı ǵana tolqyǵan muhıt búgin arystan jaldy aqshýlan tolqyndaryn aspanǵa atyp, júgen-quryq tımegen shý asaýdaı týlaıdy. Kóbimiz asaý tolqynnyń alǵashqy dúm­pýine shydamaı, syr bere bastadyq. Keýdesin kúnge súıgizgen kókala muhıt tósinde ekpini qatty daýyl turyp, alyp kemeniń ózin asyqtaı atyp, qaqpaqyl ǵyp qaqpasyna kim kepil? Sondaı shtorm kezinde shtýrvalda kirpik qaqpaı turýǵa shydaımyn ba?! Shydaýyn shydarmyn-aý, Temirtaýdyń temir peshinde eki myń gradýstyq otty kósetip, ómirdiń talaı tezinen ótkizgen qaısar taǵdyrym tózimdilikke de tárbıelegen joq pa? Másele tek qajyr-qaıratta ǵana ma eken, kúrmeýi qatty kúrdeli sıtýasııalardan adastyrmaı alyp shyǵatyn aqyl-aıla da kerek emes pe? El taǵdyry sheshiler tusta jaǵdaıly jerde janaı, jaǵdaısyz jerde jaryp ótý paryz. Qandaı qıyn kezde de jol tabýym kerek. Qatelesýge qaqym joq…» 

Ashy ishekteı shubatylǵan oı jeli­sin úzbeı úıge kirgen Nursultan Ábish­ul­y­na Sara Alpysqyzy telefon tutqasyn ustata qoı­dy.
– Kesh mazalaǵanyma keshirim, – dedi alys­tan sóılese de daýysy ap-anyq es­tilgen Túrikmenstan prezıdenti Sa­par­­murad Nııazov.
– Oqasy joq, – dedi Nursultan, – qazir ýaqyt sanaıtyn kez be?
– Onyń ras. Myna slavıandar Odaq qu­ryp, osqyryp tur. Biz, musylmandar bir áreket jasamasaq bolmas. Aqyl qosaıyq. Ortalyq Azııa memleketteriniń basshylaryn Almatyǵa shaqyr.
– Aqyldasaıyq degenińiz jón. Áıtse de Almatyda emes, Ashhabadta jı­nal­ǵanymyz durys bolar edi.
– Nege?
– Parsy tilinen engen Ashhabad de­gen sóz «ǵashyqtar qalasy» degen uǵym­dy bildiredi. Birin-biri saǵynǵan orta­azııalyq baýyrlar ystyq sezimderin ystyq jerde, ǵashyqtar qalasynda aıtsa órtke tıgen daýyldaı ótimdi bolady.
– Nursultan Ábishuly, qysyltaıań shaqta da ázil-qaljyńyń qalmaıdy-aý.
– Ázil – kóńildiń ajary, Saparmurad Nııazovıch. Al sózdiń shynyn aıtyp, máseleniń mánisine úńilsek te, tap osy kezdesýdiń Almatyda emes, Ashhabadta ótkeni óte oryndy.
– Nege?
– Sebebi, jornalshy aǵaıyndar qazirdiń ózinde «Nazarbaev musylman blogyn qurýǵa kiristi» dep jazyp jatyr. Almatyda kezdessek sondaı jel sózge jem bolamyz. Durysy, biz sizge baraıyq.
– Onda kelistik. Kelińder, kútemin.

Osy áńgimeden keıin arada eki kún ótkende О́zbekstan Prezıdenti Islam Karımov, Qyrǵyzstan Prezıdenti Asqar Aqaev, Qazaqstan Prezıdenti Nursultan Nazarbaev, Tájikstan Prezıdenti Rohman Nábıev Ashhabadqa ushyp keldi.
– Ashhabadta kún ystyq, – dedi Asqar Aqaev. 
– Adamdardyń júregi kúnnen de ystyq, – dedi Islam Karımov. 
– Ǵashyqtar qalasynda kezdesken baýyrlardyń júregi bárinen de ystyq, – dedi Nursultan Nazarbaev.
Ázil-qaljyńmen bastalǵan basqosý búkpesiz pikir alysqan ashyq áńgimege ulas­ty. Biraýyzdan maquldanǵan Má­li­m­demede Táýelsiz Memleketter Dos­tas­tyǵyn qurý barysynda keńestik ke­ńis­­tiktegi respýblıkalardyń quqyq­tyq teńdigi saqtalýy qajettigi qadap aı­tyldy. Sonymen birge, Táýelsiz Mem­le­­ketter Dostastyǵynyń teń dáre­je­li qu­­ryl­taıshysy bolaıyq degen usy­nys ta kún tártibine qoıyldy. 
Nazarbaev bul joly da qatelesken joq. 
– Slavıan odaǵyna qarsy musylman memleketter blogyn qursaq, onyń sońy Balqan taýy men Qarabahtaǵy qaqty­ǵys­tan da asyp túsetin qasiretke apara­dy, biz óz respýblıkalarymyzdyń tur­ǵyndaryn ǵana emes, Reseı men ózge mem­leketterdegi qandastarymyzdyń da taǵdyryn, olardyń aǵat sheshimniń qur­bany bolmaýyn oılaýymyz kerek, – dedi Nursultan Nazarbaev otty janary jan-jaǵyna sáýle shashyp. 
– Júdá, durys, – dep qostady Nazarbaevty qýansa da, renjise de túsin bılep, syr bermeıtin Karımov qashanǵy ádetimen sabyrly qalpyn saqtap.
– Shoń qazaqtyń myna sózi shovınıs­ter­di shońqıtyp ketedi, – dedi manadan beri qaıta-qaıta basyn shulǵyp únsiz otyrǵan Aqaev qop-qoıý qap-qara qasyn kerip. 

«Keńesip pishken ton kelte bolmaıdy» degen osy. Ashhabad málimdemesine qol qoıyp, túrikmenderdiń shól basatyn kók shaıyn iship, kóńilderin bir demdegen Ortalyq Azııa men Qazaqstan mem­leketteriniń basshylary Pamır taý­la­ryn ǵana emes, sol taýlardan da bıik saıa­sı qıyn asýlardan asyp, óz elderine oraldy.

Ashhabad saparynda kóńilin bir demdegen Nursultan Ábishulynyń oıyna jańa bir ıdeıa kele qaldy. 

«Ashhabad Málimdemesi keńestik keńistikte ǵana emes, búkil dúnıe jú­zin­de jyly pikirler týǵyzdy. Osy oraıy kelip turǵan oń ózgeristi utym­dy paıdalanyp qalý kerek. Sáti túsip, mu­­syl­mandar odaǵyna slavıandar oda­ǵyn tarta alsaq ol qazaq úshin ǵana emes, keńestik keńistiktegi barlyq ha­lyq­tardyń baqytyna qyzmet eteri anyq. Taıtalas otyn tutatpaıtyn eń tıimdi tásil osy. Halyqtardy qarýly qaq­tyǵysqa soqtyrmaýdan, el tynysh­tyǵyn saqtaýdan qymbat eshteńe joq. Qalǵan sharýalarǵa ret-retimen kirisemiz. Maqsat aıqyn, mindet kóp. Jedel iske kirisý kerek!.. ».

Osy oıǵa myqtap taban tiregen Nursultan Ábishuly Ashhabad Málimdemesinde kóte­rilgen máselelerdi slavıandarmen bir­lesip talqylaý úshin Almatyda kez­de­sýdi usyndy. Basym kópshilikten qyzý qoldaý tapqan bul usynysqa basynda kúdikpen qaraǵandar da boldy. Sonyń biri Reseı Prezıdenti B.Elsın.
Bir qaraǵanda, yzaǵa toly kózimen sup-sýyq yzǵar shashyp turatyn, qan­daı qıyn sátterde de syrtqy júnin dúr­dıtip syr bermeıtin dalanyń azýly da aıbyndy, qaıratty da qaısar qasqyryn kózge elestetetin, óziniń shalt qımyl, shalymdy is-áreketimen de naǵyz kókjal kókbórini eske túsiretin El­sınniń boıynda uly derjavalyq astamshylyq darytqan menmendik te, óziniń aqyl-qaıratyna arqa súıegen senim de, eliniń qýatyna taban tiregen serpin de bar edi. Sonshalyqty som qasıettermen somdalǵan Elsındi ushaq baspaldaǵynan Nursultan Nazarbaev­tyń ózi qarsy aldy. Nursultan Ábish­uly­nyń jymıǵan jyly júzi men oraıyn taýyp aıtqan oryndy ázil-qal­jyńynan soń Elsınniń qasań tartqan qasqyr júregi jibı bas­tady…

Qazaqstan Respýblıkasy Prezı­den­ti­niń Almatydaǵy rezıdensııasy syr­tynan qaraǵanda, onsha ajarly da, asa aıbyndy da emes. Alǵashynda kún kósem Lenınniń murajaıy bolady degen jobamen salynǵan osynaý tórt q­abatty ǵımarattyń qurylysy aıaqta­lyp qalǵan tusta Nursultan onsyz da jetpeı jatqan qarjyǵa az da bolsa únem bolsyn degen oımen «Prezıdent úshin jańa rezıdensııa salǵyzbaı-aq, osyny paıdalanaıyq» degen edi. Sol re­zıdensııanyń ishine she­tel­dik árip­tes­terimen birge kirgen tis­qaqqan saqa jor­nalshy sán-saltanaty shetel mem­leket basshylarynyń saraı-
­l­arynan qalyspaıtyn keń de bıik májilis za­lyndaǵy úlken hrýstal lıýstraǵa qyzyǵa qarady. 

Asa joǵary mártebeli memleket basshylary tórge ozyp jaıǵasyp jatty. Dál ortada Nazarbaev pen Elsın. Nursultan Ábishulynyń júzi jarqyn. Jaýar bulttaı túnergen Elsınniń betine qan júgirip, óńi kirip qalypty. Asqar Aqaev sadaqtaı ıilgen qop-qoıý qara qasyn kerip, basyn qaıta-qaıta ızep, kúlimsirep otyr. Qarshyǵadaı Kravchýk saptaǵy sarbazdaı syptaı bop, Shýshkevıch qoıan alǵan búrkitteı qazandaı basyn qaqıtyp, Ter-Petrosıan búkshıgen eki ıyǵyn jazyp, Nııazov keýdesin kerip erkin otyr. О́zge prezıdentterdiń de qabaǵynda kirbiń joq. Qýanyshta tasymaıtyn, qıyndyqta jasymaıtyn Karımov qany­na sińgen qashanǵy ádetimen túsin bılep syr berer emes. Júzinen jumsaq nur tó­gilgen Nursultan Ábishuly jornalshylarǵa by­laı dep habarlady: «Aldyn ala mu­qııat daıyndalǵan qujattar jobalary jan-jaqty talqylanǵannan keıin Táý­el­siz Memleketter Dostastyǵyn qu­rý jó­nindegi Kelisimniń hattamasyna bu­ryn­ǵy KSRO-nyń quramyna kirgen on bir táýelsiz memleket basshylary qol qoıdy». 

On bir memlekettiń basshylary qa­ty­nasqan baspasóz máslıhaty aıaqta­ly­­symen keńestik keńistik pen alys shet­­el­derden kelgen uzyn sany bes júz­den asyp jyǵylatyn jornalshylar óz elderine shuǵyl habarlar jóneltip jat­­ty. Sol shuǵyl berilgen shuǵylaly ha­­barlardyń mazmuny bir bolǵanmen, taqyryby san alýan. Assoshıeıted-press til­shisi jóneltken habardyń taqyryby: «Ǵasyrdyń ǵajaıyp oqıǵasy» .
Fransýzdyń «Fıgaro» gazetiniń til­shisi bylaı dep faks jóneltti: «Tuı­yq­tan shyǵar jol tabyldy». 
«Nazarbaevtyń kóregendigi». Bul Frans-prestiń bergen baǵasy. 
«Sandı Telegrafqa» «Musylmandar men slavıandar dostyǵy» atty maqala jóneltildi.
Al qazaq jornalshysy óz materıalyna «Almaty deklarasııasy» degen sypaıy ǵana at qoıyp, Ashhabad málim­de­mesimen qandas qujatqa qol qoı­ǵan Ázer­baıjan Prezıdenti Á.Mútá­lı­bov­tan, Tájikstan Prezıdenti R.Nábı­ev­ten sýyrtpaqtap syr tartty.
Búkil dúnıejúzilik qaýymdastyqty eleńdetken ǵasyrdyń ǵajaıyp oqıǵasy jaıly nebir ajarly at qoıylyp, aıdar taǵylǵan shuǵyl habarlar tórtkúl dúnıege túgel tarady.

Bul HH ǵasyrdyń sońǵy on jyldyǵy bastalǵan kúrdeli kezeń – bir myń toǵyz júz toqsan birinshi jylǵy jeltoqsan aıynyń jıyrma birinshi juldyzy edi. 

Sol kúni kóńilin bir demdegen ol  úıge kóńildi oraldy. «Áıtse de alǵashqy sátti qadamǵa toqmeıilsýge bolmaıdy. Alda áli alynbaǵan qanshama asýlar bar. Qıyn isterdiń qııýyn tabýym kerek. Qatelesýge quqym joq…». Jatar aldyndaǵy jelpiniske shyqqan Nursultan  Ábishuly qashanǵy ádetimen sol kúni de el taǵdyryn oılaýmen boldy.

Sábıt DOSANOV, 
jazýshy, Memlekettik syılyqtyń laýreaty, Halyqaralyq Mahmud Qashqarı atyndaǵy «Túrik álemine sińirgen asa zor eńbegi úshin» syılyǵynyń ıegeri
Almaty