Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Baldaı О́teǵalıevanyń aıtýynsha, Eńbek jáne halyqty áleýmettik qorǵaý mınıstrligi men oblys ákimdigi arasynda 27 421 jumys ornyn qurý týraly memorandýmǵa qol qoıylǵan.
– Jyl basynan beri kásibı oqýǵa 955 adam jiberildi, – deıdi B.О́teǵalıeva. – Qajetti mamandardy daıyndaý baǵytynda oblysta birqatar sharalar kásiptik oqý oryndarymen birigip júzege asyrylyp keledi. Jumys berýshilermen kelisimsharttar jasaqtalyp, kásibı mamandyqqa oqý kýrs-
taryna 72 adam jiberildi. Jergilikti jáne respýblıkalyq bıýdjet qarajattarynan uıymdastyrylatyn áleýmettik jumys oryndarymen 506 jumyssyz qamtylyp otyr. Aımaqta jastardy jumyspen qamtý máselesi ózekti. Joǵary jáne orta-kásiptik oqý oryndaryn bitirgen jas túlekter úshin uıymdastyrylǵan jastar tájirıbesine 316 jas maman joldama aldy. Jastar tájirıbesi buryn tek qana respýblıkalyq bıýdjetten bólingen qarajatqa uıymdastyrylsa, oblys ákiminiń qoldaýymen 2015 jyldan beri jergilikti qazynadan da qarajat qaralyp keledi.
Aımaqta jumyspen qamtýǵa járdemdesýdiń keshendi jospary aıasynda áleýmettik qoldaý sharalarymen 20 784 adam qamtylady. Josparda memlekettik baǵdarlamalar sheńberinde turaqty jumys oryndaryna ornalastyrý, kásibı oqýǵa jiberý, shaǵyn nesıe berý, qoǵamdyq jumystarǵa joldaý, áleýmettik jumystarǵa ornalastyrý, jas túlekterdi jastar tájirıbesine jiberý syndy sharalar bar. Búginge deıin jospar 65 paıyzǵa oryndaldy.
Halyqty jumyspen qamtýda bos jumys oryndary jármeńkesiniń mańyzy zor. Bıyldyń ózinde 24 jármeńke uıymdastyrylyp, 908 adam jumys tapty. «Ásirese alystaǵy aýyldarda kóshpeli bos jumys oryndarynyń jármeńkesin ótkizý jaqsy jolǵa qoıylyp keledi. Damba, Janbaı, Zıneden aýyldarynda osyndaı jármeńkeler ótkizilip, 143 adam jumysqa ornalasty», deıdi basqarma ókili.
Memlekettik baǵdarlamalardyń mańyzy zor
«Nátıjeli jumyspen qamtýdy jáne jappaı kásipkerlikti damytýdyń 2017-2020 jyldarǵa» arnalǵan baǵdarlamasymen Atyraý oblysynda 7 212 adamdy qamtý josparlanyp, 2,0 mlrd teńge bólingen. Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetine súıensek, jyl basynan beri baǵdarlamamen 9 201 adam qamtylyp, esepti kezeńge josparlanǵan qarajat tolyǵymen ıgerildi. Baǵdarlamanyń birinshi baǵyty boıynsha 250 adamdy kásiptik daıarlaýǵa jáne 500 adamdy qysqa merzimdi kýrstaryna oqytý qarastyryldy.
Qazirgi ýaqytta qala men barlyq
aýdandarda mobıldi toptar qurylyp, mamandar qajettiligi men oqý oryndar tizbesi anyqtaldy. Qysqa merzimdi oqý sáýir aıynan bastalyp, oqýǵa 521 adam jiberildi. Olar: aspaz, qubyr qurastyrýshy, argonmen dánekerleýshi, avtokran júrgizýshisi, aǵylshyn tili, EEM operatory, shashtaraz, tiginshi jáne t.b. eńbek naryǵyndaǵy suranysqa ıe mamandyqtar boıynsha oqytylyp keledi.
Baǵdarlamanyń «Jappaı kásipkerlikti damytý» ekinshi baǵyty sheńberinde
1 233 adamdy qamtý josparlandy. 750 adam «Bastaý Bıznes» jobasy boıynsha kásipkerlik negizderine oqytylady, 483 adamǵa mıkrokredıt beriledi. Úshinshi baǵytpen 5 229 adamdy jumyspen qamtý kózdelgen.
Mindetti áleýmettik medısınalyq saqtandyrý júıesi enýine baılanysty halyqtyń mártebesin anyqtaý jumystary júrgizilýde. Jasyratyny joq, jumys istep jatqan adamdardyń mindetti 10 paıyzdyq zeınetaqy tólemderi aýdarylmaıtyn faktiler kezdesedi. Bul mekemede eńbekaqy boıynsha bereshek bar ekendigin nemese eńbek shartynyń jasalmaǵanyn kórsetedi. Mártebesi anyqtalmaǵan azamattarmen jumys isteý úshin oblysta shtab quryldy. Barlyq aýyldyq, selolyq okrýgterde «E-Halyq» avtomattandyrylǵan aqparattyq júıesin engizý jumystary uıymdastyrylýda.
Sebepsiz qysqartýǵa
jol berilmeıdi
Áleýmettik jaǵdaıdy turaqtandyrý jáne oblystaǵy kásiporyndarda eńbek qatynastaryn saqtaý úshin birqatar keshendi sharalar atqaryldy. Jumystan bosatylǵan qyzmetkerler boıynsha únemi monıtorıng jumystary júrgiziledi.
– Jyl basynan beri oblysta jumys kóleminiń azaıýyna baılanysty 11 mekemeden 219 adam jumystan qysqartyldy. Jumyspen qamtý ortalyqtaryna 119 adam tirkelip, tolyqtaı áleýmettik qoldaý sharalarymen qamtyldy. 88-i óz betimen jumysqa ornalasty. Qyzmetkerlerdiń jumystan bosatylýyna jol bermeý maqsatynda oblys ákimdigi 2 539 jumys berýshilermen jáne kásipodaqtarmen «О́ndiristik prosesterdi turaqtandyrý, qyzmetkerlerdiń eńbek quqyqtary men kepildikteriniń saqtalýy, jumystan bosatylatyn qyzmetkerlerdi áleýmettik qorǵaý jáne jumyspen qamtý máseleleri bo-
ıynsha ózara yntymaqtastyq týraly» memorandýmǵa qol qoıyp, 115,4 myń adamnyń jumys oryndary saqtaldy. Atalǵan sharalardyń nátıjesinde, jumys oryndary saqtalyp, qysqartýǵa josparlanǵan 799 adamnyń 580-i jumys oryndarynda qaldyryldy, – deıdi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Baldaı О́teǵalıeva.
Baqytgúl BABASh,
«Egemen Qazaqstan»
ATYRAÝ
