О́tken ǵasyrdyń jetpisinshi jyldary oblys shopandary qoı túligin myńǵyrtyp ósirip, jarty mıllıon basqa deıin jetkizýi – búginde ájesiniń nemeresine aıtqan ertegisindeı estileri anyq. Qazir Shopan ata men Shekshek ata túligin qosyp eseptegende 363, 9 myń basty ázer toltyrady. Basym kópshiligi qosalqy sharýashylyqtardyń ıeliginde.
Soltústik Qazaqstan mal sharýashylyǵy ǵylymı-zertteý ınstıtýtynda kóp jyl boıy eńbek etken Vera Sýtýlova ol kezdi bylaı eske alady: «О́ńirde qylshyq, jartylaı qylshyq, bııazy júndi qoılar ósirilip, asyldandyrýǵa, býdandastyrýǵa júıeli túrde mán berildi. Qostanaıdaǵy Sulýkól asyl tuqymdy zaýytpen, argentınalyqtarmen, avstralııalyqtarmen qoıan-qoltyq jumys isteýdiń nátıjesinde merınos qoıdyń ósimtal túri jetildirildi. Onyń eti Qazaqstandy aıtpaıyq, shetelderde de dıetalyq taǵam retinde baǵalandy. Kún kózine shaǵylysqandaı appaq jún ónimderi aıryqsha suranysqa ıe boldy».
Zeınetker sóz arasynda Italııanyń Mılan qalasynda Keńes Odaǵy boıynsha mal sharýashylyǵy kórmesi uıymdastyrylǵanyn, oǵan qazaqstandyqtar da qatysqanyn, Rım papasy /Ionna Pavel II/ mantııasyna Qyzyljardyń sapaly júninen toqylǵan mata tańdap alynǵanyn maqtanyshpen aıtyp qaldy. Al, kerek bolsa! Qytymyr aýa raıyna, qatal tabıǵatqa qaramastan qııan túkpirde arqa eti arsha bolyp júrgen teriskeılik shopandar men ǵalymdar básekege qabilettiligimen tanylyp jatsa, tań qalmaı kór!
О́mir ESQALI,
«Egemen Qazaqstan»
Soltústik Qazaqstan oblysy
