Osylaısha aǵymdaǵy epıdemıologııalyq maýsymda Astana q. qoǵamdyq densaýlyq saqtaý departamentiniń ádistemelik qoldaýymen aýdandar apparaty ákimderiniń baqylaýynda
Astanalyq dızınfeksııa jáne «Dezınfeksııa»
Batys-Qazaqstandyq medısınalyq mekemesi Astana aýmaǵynda jándikterdi ýlaý jumysyn júrgizýde.
Mamandardyń sózine qaraǵanda, shilde aıynyń sońynan tamyz aıyna deıin masalardyń sany áldeqaıda kóbeıedi. Osyılaısha jándikter de qysqy maýsymǵa daıyndalady, popýlıasııasyn kóbeıtý esebimen olardyń sany anaǵurlym kóbeıedi.
Bul kezeńde jándikterdiń kóbeıýine baılanysty Astana q. ákimdiginde apparattyq jıyn ótti, sonyń aıasynda masalar boıynsha elordada etnomologııalyq jaǵdaı jóninde másele qarastyrylyp, ýaqytynda jándikterdi ýlaýda baqylaýdy kúsheıtý qajettiligi tilge tıek boldy.
Aıta keteıik, qala turǵyndary men qonaqtarynyń qolaı lyǵy úshin jándikterdi ýlaý jumysy túngi ýaqytta júzege asyrylady.
Jándikterdi ýlaýda memlekettik tirkeý kýáligi jáne QR jáne Keden Odaǵy memleketterinde sáıkes sertıfıkaty bar ınsektısıdalar paıdalanylady. Ýlaýda qoldanylatyn dári-dármekterdiń ózine tán ıisi bar, degenmen ol adam ómirine qaýipti emes. Onymen birge halyqtyń qaýipsizdigi úshin barlyq talaptar saqtalady. Jándikterdi ýlaýda etnomologııalyq kórsetkishter men qatar jergilikti aýa raıy da eskeriledi.
Aı saıyn jándikterdi ýlaý boıynsha durys sharalar qabyldaý úshin baqylaý júrgiziledi.
Mamandardyń sózine qaraǵanda, masalar sý turalap qalǵan jerlerde kóptep júredi, kóbeıedi, bir mezette masanyń urǵashysy 130-dan 250 jumyrtqaǵa deıin salady.
Jándikterdiń jumyrtqalaý úrdisine tosqaýyl qoıýda birinshi kezekte sý deńgeıi asa kóp emes sý qubyrlarynda, sýy taıaz jerlerde ýlaý jumystary júrgiziledi.
Masalardyń kóbeıý qaýpi bar qaladaǵy mundaı sý qubyrlardyń sany shamamen 720 gektarlyq aýmaqta 110-nan 115-ke deıin jetedi.
Mamandardyń habarlaýynsha, Astanada masanyń 3 túri bar: A.messeae, Culex jáne Aedes, olardyń ekeýi sýda jumyrtqa salsa, úshinshisi ylǵal jerde jumyrtqa salady eken.
