«Jarysqa qatysýǵa Almaty, Kókshetaý, Petropavl qalalarynan 30-ǵa jýyq ótinish tústi. Olarǵa kólikterdiń bezendirilýi, dybystyq-mýzykalyq erekshelikteri, jyldamdyqty saǵatyna 60 shaqyrymnan asyrmaý, kedergilerden múltiksiz ótý sekildi talaptar qoıyldy», deıdi jarysty uıymdastyrýshy Vıktor Semykın.
Syrtqy jolaq erejelerin bári saqtaǵanymen, uzyndyǵy bir shaqyrym ishki aınalma jolda óner kórsetý, manevr jasaý keı úmitkerlerge edáýir qıyndyq týdyrdy.
Kókshetaýdan kelgen Vıtalıı Lýzın bul jobaǵa jyl basynan daıyndalyp, «Lada» kóligin «álem-jálem» bezendirýge 3 mıllıon teńge qarajat jumsapty. Máselen, 8 sabvýfer dybys kúsheıtkishin ornatypty.
Jeńimpazdar men júldegerlerge avtosalon ıeleri óz syı-sııapattaryn kórsetti.
Jarysty uıymdastyrýshylar aldaǵy ýaqytta muz ústindegi jyldam mánerlep saıysyn ótkizýdi belgilep otyr.
О́mir ESQALI,
«Egemen Qazaqstan»
