«О́zderińiz de biletindeı, Kaır qalasynda Qazaqstannyń 6 azamatynyń joǵalyp ketkenine 12 kún boldy. Qolda bar senimdi málimetterge sáıkes, 19-nan 20-shy shildege qaraǵan túnde olardy Mysyrdyń arnaıy qyzmet saqshylary ustap, alyp ketken. Osy ýaqytqa deıin Mysyr tarabynan Qazaqstan azamattarynyń ustalý sebepteri, olardyń qazir qaıda ekendigi týraly resmı aqparat alǵan joqpyz. Mysyrdyń SIM basshylyǵymen, quqyq qorǵaý organdarynyń ókilderimen birneshe ret bolǵan kúndelikti kelissózder nátıje bergen joq», dedi ol.
SIM ókiliniń aıtýynsha, taıaýda Qazaqstannyń Kaırdaǵy Elshisi Mysyrdyń Joǵary konstıtýsııalyq sotynyń tóraǵasymen jáne Prezıdenttiń ulttyq qaýipsizdik jónindegi kómekshisimen Qazaqstan azamattaryna qatysty ahýaldy talqylaǵan.
«Olardyń bizdiń azamattarymyzdyń ustalý mán-jaıyn anyqtaýǵa kómek kórsetemiz degen ýádesine qaramastan jaǵdaı ózgergen joq. Osyǵan oraı Mysyrdyń Syrtqy ister mınıstrligine resmı narazylyq notasy jiberildi. Osyndaı nota Qazaqstandaǵy Mysyrdyń ýaqytsha senimdi ókiline de tabys etildi. Biz Mysyrdyń resmı bıliginen Qazaqstannyń azamattarynyń ustalý sebepterin túsindirýin, Qazaqstannyń Mysyrdaǵy Elshiligi dıplomattarynyń, konsýlynyń olarmen baılanysýyna múmkindik berýin batyl túrde talap etemiz», dedi Jaınaqov.
