Olardyń baıandaýynsha, «Balalarǵa kómek-meniń tańdaýym» urany boıynsha uıymdastyrylatyn shara barysynda ata-ananyń qorǵaýynsyz qalǵan jetim balalarǵa, turmysy tómen otbasylarǵa, az qamtylǵan jandarǵa birinshi kezekte materıaldyq, qarjylyq kómekter kórsetiledi.
Byltyr 8980 balaǵa 55 mıllıon teńgeniń bıýdjettik jáne bıýdjetten tys qarjylyq demeý jasalǵan. Belgisiz sebeptermen mektepke barmaǵan 6 oqýshy anyqtalǵan.
Qazir jalpy bilim beretin bilim úıleri men iri saýda oryndarynda gýmanıtarlyq kómek beretin ortalyqtar qurylyp, jeke adamdar, kásipkerler qarjylyq, zattaı qol ushtaryn berýde. Sondaı-aq Qazaqstan Respýblıkasy Birinshi Prezıdenti qory atynan qajetti oqý quraldarymen qamtamasyz etilgen 900 jınaq tapsyrylatyn bolady.
«Jyl basynan oqýǵa ynta-yqylasy joq 101 oqýshy anyqtalyp, esepke qoıyldy. Tutastaı alǵanda, esepte 255 kámeletke tolmaǵan jasóspirim tur. Olardyń 55-si ártúrli sebeptermen mektep esigin ashpaǵan», deıdi aǵa ınspektor Saıran Sárkenov.
О́mir ESQALI,
«Egemen Qazaqstan»
