Sonaý eki myń shaqyrym alysta, Mońǵolııanyń Baı-О́lke jerin mekendep otyrsaq ta eń aldymen eleń etip Qazaq elinen jetken habarlarǵa qulaq túrip otyramyz. Sol úrdispen Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasy baspasózde jarııalanǵanyn telehabardan estı sala ǵalamtorǵa úńildik. Qaımana qazaq balasy úshin qajetti dep kórilgen qundy pikirler qamtylǵan bul maqaladaǵy eń ózekti máseleniń biri – latyn álipbıine kóshý jaıy eken.
Meniń ájem Bárenbaı Maılyhanqyzy bala kezimizde latyn qarpimen hat jazyp otyrýshy edi. «Bul latyn árpi. Buryn bizder osy jazý túrin paıdalanǵanbyz, keıin orystyń kırıll degenine kóshtik» – dep túsindiretin. 1941 jyly Baıan-О́lgeı aımaqtyq «О́rkendeý» gazetiniń tuńǵysh sany da latyn qarpimen jaryq kórgen. Budan shyǵatyn qorytyndy – Mońǵolııa qazaqtary Qazaq elindegi qandastarymen birge latynshaǵa, sosyn kırıllge kóshti. Jáne óte durys istedi. Aǵaıynnan ajyrap qalmaý úshin, ortaq rýhanııattan adaspaý úshin bul óte úlken mańyzǵa ıe boldy. Endi minekı, HHI ǵasyrda da shetel qazaqtary bul úrdisten jańylmaı jańa álipbıge Atajurttaǵy aǵaıynmen birge kóshedi dep oılaımyn. Al buǵan Qazaq eliniń jan-jaqty kómegi qajet. Úkimet jańa álipbıge kóshý máselesine arnalǵan jospar, joba jasaǵanda sheteldegi qazaq qaýymyn qaıtken kúnde de qamtýy qajet.
Erbaqyt NÚSIPULY,
«Jańa dáýir» gazetiniń redaktory,
jazýshy (Mońǵolııa)
