Jańa balabaqsha ashyldy

Oblys ortalyǵyndaǵy Qur­mysh sha­ǵyn aýdanynda №43 «Gúl­dáýren» bala­baq­­sha­sy paı­da­lanýǵa berildi. Jańa ba­la­­baq­sha­nyń ashylý rásimine oblys ákimi Arhımed Muhambetov, qala ákimi Nur­mu­hambet Ábdibekov, ata-analar qatys­ty. Jalpy aýmaǵy 11 209 sharshy metr bo­latyn balabaq­shada 320 búldirshin tár­bıe­le­netin bo­la­dy. Úsh qabatty, zamanaýı talaptarǵa saı jabdyq­tal­ǵan ǵım­a­rat­ta 16 oıyn ból­meleri, 3 oqý sy­nyptary, gım­nastıka, mý­­zyka, beıneleý óneri zal­da­ry jáne basqa da turmystyq-qyz­met­tik bólmeler bar. Jobalanýy ja­ǵy­nan elimizde balama­sy joq bala­baq­sha qu­ry­lysyna 515 646,66 myń teńge jum­sal­ǵan. Aý­la­daǵy 16 oıyn alańyna kúr­ke­ler ornatylǵan. Barlyq alańdarǵa qum tógilip, syrǵanaý tóbeleri­men, át­ken­shek­termen jabdyq­tal­ǵan. Endi mun­da saýyq­tyrýdyń tıimdi ádisi — galoterapııa engizý josparlanyp otyrǵan kórinedi. – Qazir oblysymyzda 501 balabaqsha jumys isteıdi. Buǵan 35 myńnan astam búldirshin ba­ryp júr. Aýdandardaǵy bala­­lar­dyń 90 prosenti mektepke deıingi balalar mekemelerimen qamtama­syz etilgen. Oblys ortalyǵynda bul másele ózekti bolyp qalýda. Qazir Aqtóbe qalasynda 12 myń búldirshin balabaqsha kezeginde tur. Sońǵy jyldary «Balapan» respýblıkalyq baǵdarlamasy aıa­syn­da 400-den astam mektepke deıingi mekeme ashylyp, búldirshin­derdi qabyl­da­dy. Ásirese, jeke­niń qolyndaǵy bala­baqshalar mem­lekettik-kommýnaldyq men­shikke qaıtarylýda. Mysaly, bu­rynǵy úsh balabaqshanyń ǵıma­rat­tary qaıtadan óńdelip, 240 oryndyq №37 «Balapan» mektepke deıingi uıymy, 280 oryndyq №38 «Álem» jáne 280 oryn­dyq «Dos­tyq» balabaqshalary ashyl­dy. «Ońtústik Batys-1» shaǵyn aý­danynda, Sáńkibaı batyr dań­ǵy­ly boıynan jáne Jańa qonys poselkesinde balabaqshalar sa­lyný­da. Jaqynda 12 shaǵyn aýdanda balabaqsha qurylysy bastalady. Búgin taǵy bir balabaqsha paı­da­lanýǵa berilip otyr. Jalpy 2012-2014 jyldary bul ba­ǵyttaǵy kórsetkishimiz biraz jaq­sa­ra­dy,– dedi oblys ákimi Arhımed Mu­ham­betov saltanatty sátke jınal­ǵan­darǵa. Odan keıin balabaqsha qury­ly­syn sal­ǵan «Promresýrs» JShS dırektory Oleg Fedorov sım­vo­lıkalyq kiltti №43 «Gúl­dáýren» balabaqshasynyń meńge­rý­shisi Ba­qyt­gúl Jetesovaǵa tap­syr­dy. Ata-analar atynan sóz al­ǵan Sárseáli Qaltaev jańa ba­la­baq­shanyń ashy­lýy­men quttyqtady. Satybaldy SÁÝIRBAI. Aqtóbe oblysy.