2011 jylǵy 27 shilde, Astana, Úkimet Úıi
«Bilim berý grantyn berý erejesin bekitý týraly» Qazaqstan Respýblıkasy Úkimetiniń 2008 jylǵy 23 qańtardaǵy № 58 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Bilim berý grantyn berý erejesin bekitý týraly» Qazaqstan Respýblıkasy Úkimetiniń 2008 jylǵy 23 qańtardaǵy № 58 qaýlysyna (Qazaqstan Respýblıkasynyń PÚAJ-y, 2008 j., № 2, 24-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Bilim berý grantyn berý erejesinde:
2-tarmaqta:
3) tarmaqshada «(budan ári – Komıssııa).» degen sózder «(budan ári –Komıssııa);» degen sózdermen aýystyrylsyn;
mynadaı mazmundaǵy 4), 5), 6) tarmaqshalarmen tolyqtyrylsyn:
«4) densaýlyq saqtaý salasyndaǵy ýákiletti organ – azamattardyń densaýlyǵyn saqtaý, medısınalyq jáne farmasevtıkalyq ǵylym, medısınalyq jáne farmasevtıkalyq bilim berý, halyqtyń sanıtarlyq-epıdemıologııalyq salaýattylyǵy, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq qyzmet kórsetý sapasyn baqylaý salasyndaǵy basshylyqty júzege asyratyn memlekettik organ;
5) bilim berý salasyndaǵy ýákiletti organnyń senim bildirilgen ókili (agent) tapsyrma shartynyń negizinde bilim berý salasyndaǵy ýákiletti organnyń atynan jáne sonyń esebinen jáne onyń nusqaýlyqtaryna sáıkes belgili bir tapsyrmalardy oryndaıtyn tulǵa;
6) jas maman – aýyl (selo) jastary arasynan shyqqan azamattarǵa beriletin kvota sheginde bilim berý granty boıynsha pedagogıkalyq jáne medısınalyq mamandyqtar boıynsha joǵary bilimniń tıisti bilim berý baǵdarlamalaryn meńgergen bitirýshi.»;
3-bólim mynadaı redaksııada jazylsyn:
«3. Mamandy aýyldyq jerge jumysqa jiberý jáne óz betimen jumysqa turý quqyǵyn berý tártibi
9. Aýyldyń áleýmettik-ekonomıkalyq damýyn aıqyndaıtyn mamandyqtar boıynsha aýyl (selo) jastary arasynan shyqqan azamattarǵa beriletin kvota sheginde oqýǵa túsken bilim berý grantynyń ıegerleri aýylǵa (seloǵa), kentke, aýyldyq (selolyq) okrýgke (budan ári – aýyldyq jer) jumysqa jiberiledi. 10. Pedagogıkalyq jáne medısınalyq mamandyqtar boıynsha aýyl (selo) jastary arasynan shyqqan azamattarǵa beriletin kvota sheginde oqýǵa túsken bilim berý granty ıegerleri úshin bilim berý qyzmetterin usynýǵa arnalǵan shart jasasqan kezde olardyń joǵary oqý ornyn aıaqtaǵannan keıin keminde úsh jyl aýyldyq jerde ornalasqan bilim berý uıymdary men medısınalyq uıymdarda jumysty óteýi mindetti shart bolyp tabylady. Jumysty óteý merzimi jumys berýshi men jas maman arasynda eńbek sharty jasalǵan kúnnen bastap sanalady. 11. Jas mamandardy jumysqa jiberý maqsatynda olardy derbes bólý júzege asyrylady. Jas mamandardy jumysqa bólý jáne jiberý mynadaı tártippen júzege asyrylady: 1) oblystyń jergilikti atqarýshy organy jyl saıyn 1 naýryzdan keshiktirmeı bilim berý jáne densaýlyq saqtaý salasyndaǵy ýákiletti organdarǵa (budan ári – ýákiletti organdar) aýyldyq jerde ornalasqan bilim berý uıymdarynda jáne medısına uıymdarynda kadrlarǵa qajettilik týraly ótinim beredi; 2) JOO jyl saıyn 1 naýryzdan keshiktirmeı ýákiletti organdarǵa aýyl (selo) jastary arasynan shyqqan azamattarǵa beriletin kvota sheginde oqýǵa túsken bitirýshilerdiń tizimderin jiberedi; 3) ýákiletti organdar jyl saıyn 1 mamyrdan keshiktirmeı tikeleı aýyl (selo) jastary arasynan shyqqan azamattarǵa beriletin kvota sheginde oqýǵa túsken bilim berý grantynyń ıegerleri oqıtyn JOO-ǵa aýyldyq jerde ornalasqan bilim berý jáne medısına uıymdary úshin kadrlarǵa qajettilik týraly ótinimderge sáıkes aqparat jiberedi; 4) JOO-da jas mamandardy jumysqa derbes bólý jónindegi komıssııa (budan ári – Bólý jónindegi komıssııa) qurylady. Bólý jónindegi komıssııa týraly erejeni ýákiletti organdar bekitedi. 12. Bólý jónindegi komıssııa jyl saıyn kvota sheginde bilim berý granty boıynsha oqýǵa túsken aýyl (selo) jastary arasynan shyqqan azamattar oqýdy aıaqtaıtyn Qazaqstan Respýblıkasynyń tıisti joǵary oqý oryndarynyń janynda qurylady. 13. Jas mamandardy derbes bólý otyrysqa usynylǵan qujattar boıynsha jáne oblystardyń jergilikti atqarýshy organdarynyń aýyldyq jerde ornalasqan bilim berý uıymdaryndaǵy jáne medısına uıymdaryndaǵy kadrlarǵa qajettilik týraly ótinimderine sáıkes ýákiletti organdar usynǵan aqparat negizinde júzege asyrylady. 14. Jas mamandardy derbes bólý kezinde: 1) turaqty turatyn orny nemese sonda bólgen durysyraq bolatyn aýyldyq eldi meken; 2) Qazaqstan Respýblıkasynyń bilim berý salasyndagy zańnamasynda jáne osy Erejede kózdelgen birinshi kezekte bólý quqyǵyn beretin jaǵdaılardyń bolýy; 3) Qazaqstan Respýblıkasynyń bilim berý salasyndaǵy zańnamasynda jáne osy Erejede belgilengen, jumysty óteý jónindegi mindetten bosatatyn nemese jumysty óteý jónindegi mindetti oryndaý merzimin keri shegeretin jaǵdaılardyń bolýy eskeriledi. Jas maman turaqty turǵan aýyldyq jerde ornalasqan bilim berý uıymdarynda jáne medısına uıymdarynda bos jumys orny bolmaǵan jaǵdaıda ol jaqyn jerdegi aýylda (seloda), kentte, aýyldyq (selolyq) okrýgte, aýdanda, oblysta ornalasqan bilim berý uıymdaryna jáne medısına uıymdaryna bólinýge jatady. 15. JOO-daǵy oqýdy bir mezgilde aıaqtaǵan erli-zaıyptylarǵa bir aýylda (seloda), kentte, aýyldyq (selolyq) okrýgte ornalasqan uıymdarda jumys beriledi. Eger erli-zaıyptylardyń biri oqýyn buryn bitirse, onda oǵan jumys jalpy negizderde beriledi. Mundaı jaǵdaıda jubaıynyń (zaıybynyń) jumys ornyn, onyń ishinde zaıybynyń (jubaıynyń) jumys orny boıynsha da tańdaý quqyǵy bar. 16. JOO jyl saıyn 10 tamyzdan keshiktirmeı ýákiletti organdarǵa aýyldyq jerde ornalasqan bilim berý uıymdaryna jáne medısına uıymdaryna jumysqa jas mamandardy bólý týraly aqparatty usynady jáne bólý jónindegi barlyq materıaldardy jas mamandardy bólý týraly sheshim qabyldanǵan kúnnen bastap 15 kúnniń ishinde bilim berý salasyndaǵy ýákiletti organnyń senim bildirilgen agentine jiberedi. 17. Derbes bólý jónindegi komıssııaǵa dáleldi sebeptersiz kelmegen jas mamandar onyń qatysýynsyz bólinedi. 18. Aýyldyq jerge jumysqa jiberilgen jas mamandar Qazaqstan Respýblıkasynyń zańnamasyna sáıkes áleýmettik kepildikter alady. 19. Birinshi kezekte bólý quqyǵy: 1) jubaıy bos jumys ornyn usynǵan aýyldyq jerde nemese oǵan jaqyn ornalasqan aýylda (seloda), kentte, aýyldyq (selolyq) okrýgte turatyn, jumys isteıtin nemese qyzmetin ótep jatqan adamdarǵa; 2) ata-anasynyń biri nemese ekeýi de I jáne II top múgedekteri bolyp tabylatyn adamdarǵa, sondaı-aq bos jumys ornyn usynǵan aýyldyq jerde turaqty turyp jatqan adamdardyń qamqorshysy jáne qorǵanshysy bolyp tabylatyn adamdarǵa beriledi. 20. Bólý jónindegi komıssııanyń sheshimimen jas mamandardyń mynadaı sanattary jumysty óteý jónindegi mindetten bosatylady: 1) bólý kezinde aýyldyq jerde ornalasqan bilim berý uıymdarynda jáne medısına uıymdarynda bos jumys orny bolmaǵan kezdegi adamdar; 2) jubaıy (zaıyby) turatyn, jumys isteıtin nemese qyzmetin ótep jatqan aýyldyq jerde nemese oǵan jaqyn ornalasqan aýylda (seloda), kentte, aýyldyq (selolyq) okrýgte bos jumys orny bolmaǵan kezdegi adamdar; 3) I jáne II toptaǵy múgedekter; 4) odan ári magıstratýraǵa, rezıdentýraǵa oqýǵa túsken adamdar; 5) júkti áıelder, úsh jasqa deıingi balasy (balalary) bar áıelder, sondaı-aq balasyn (balalaryn) jalǵyz tárbıelep otyrǵan ákeler. 21. Aǵymdaǵy jyly oqýyn bitirgen jas mamandar 1 tamyzdan keshikpeı jumys ornyna joldama boıynsha keledi. 22. Oblystyń jergilikti atqarýshy organy jas maman kelgennen keıin bir aıdyń ishinde bilim berý salasyndaǵy ýákiletti organnyń senim bildirilgen agentine jumys orny jáne beriletin áleýmettik kómek túri týraly málimetterdi usyna otyryp, bólýge sáıkes kelgeni týraly rastaý jiberedi. 23. Merzimdik áskerı qyzmetke túskende nemese shaqyrylǵanda jas mamannyń jumysty óteý merzimine qyzmetti óteý ýaqytyn qospastan, qyzmetti óteý ýaqytyna jumysty óteý merzimi keıin shegeriledi. 24. Bıýdjettiń oqytýmen baılanysty shyǵystaryn qaıtarýsyz jumysty óteý jónindegi mindetin toqtatý bilim berý salasyndaǵy ýákiletti organnyń sheshimimen resimdeledi jáne: 1) jumysty óteý jónindegi mindettiń oryndalýyna baılanysty; 2) tıisti qujattarmen rastalǵan bilim alýshynyń (jas mamannyń) qaıtys bolýyna baılanysty; 3) jumysty óteý merzimi ishinde I, II top múgedektigi belgilengen jaǵdaıda; 4) osy Erejeniń 20-tarmaǵynda kózdelgen jaǵdaılarda jumysty óteý jónindegi mindetinen bosatylýyna baılanysty bastalady. 25. Osy Erejeniń 19, 20, 23, 24-tarmaqtarynda kórsetilgen jaǵdaılar tıisti qujattarmen rastalýǵa tıis. 26. Oblystyń jergilikti atqarýshy organy jyl saıyn 1 qyrkúıekke qaraı bilim berý salasyndaǵy ýákiletti organnyń senim bildirilgen agentine 2011 jyldan bastap aldaǵy úsh jyl boıy aýyldyq jerde jumys isteý úshin bólingen jumys istep jatqan jas mamandardyń tizimin jiberedi. 27. Aýyldyq jerde jumys isteýge bólingen jas mamanmen jasalǵan eńbek sharty jumys berýshiniń bastamasy boıynsha buzylǵan jaǵdaıda jumys berýshi eńbek shartyn buzǵannan keıin úsh kúnnen keshiktirmeı bul týraly oblystyń jergilikti atqarýshy organdaryna habarlaıdy. Oblystyń jergilikti atqarýshy organy jas mamannyń jumystan shyǵarylǵany týraly málimetter men rastaıtyn qujattardy bilim berý salasyndaǵy ýákiletti organǵa jiberedi. Bul oraıda jas mamandarmen jasalǵan eńbek sharttary jumys berýshi – zańdy tulǵanyń taratylýy nemese jumys berýshi – jeke tulǵanyń qyzmetin toqtatýy, sondaı-aq qyzmetkerler sany nemese shtaty qysqartylýy negizinde buzylǵan jaǵdaıda olar qaıtadan bólýge jatady. Jas mamandarmen jasalǵan eńbek sharttary jumys berýshiniń bastamasy boıynsha osy tarmaqta kózdelmegen negizder boıynsha buzylǵan jaǵdaıda olardy qaıtadan bólý júrgizilmeıdi, jáne osy Erejege sáıkes qarajatty bıýdjetke qaıtarý júzege asyrylady. 28. Jas maman joǵary oqý ornyn aıaqtaǵannan keıin keminde úsh jyl aýyldyq jerde ornalasqan bilim berý uıymdary men medısınalyq uıymdarda jumysty óteý mindetin oryndamaǵan jaǵdaıda bıýdjettiń jas mamandy oqytýmen baılanysty shyǵystary bıýdjetke qaıtarylýǵa tıis. 29. Jas mamandardyń jumysty óteý jónindegi mindetterdi oryndaýy jáne bıýdjettiń jas mamandy oqytýmen baılanysty shyǵystarynyń qaıtarylýy monıtorıngin qamtamasyz etý bilim berý salasyndaǵy ýákiletti organnyń senim bildirilgen agentine júkteledi. 30. Bilim berý salasyndaǵy ýákiletti organnyń senim bildirilgen agenti óz quzyreti sheginde: 1) jas mamandardyń jumysty óteý jónindegi mindetterdi oryndaýyna monıtorıng júrgizý maqsatynda jas mamandar boıynsha derekqordy qalyptastyrady jáne júrgizedi, usynylǵan qujattardyń saqtalýyn qamtamasyz etedi; 2) oblystardyń jergilikti atqarýshy organdarynyń járdemimen bólý jónindegi komıssııalar sheshimderiniń oryndalý monıtorıngin júrgizedi; 3) jas mamandar jumysty óteý jónindegi mindetterdi buzǵan jaǵdaıda olardyń bıýdjettiń ózin oqytýmen baılanysty shyǵystaryn qaıtarýyn qamtamasyz etý jóninde sharalar qabyldaıdy.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.
