2011 jylǵy 28 shilde, Astana, Úkimet úıi
Veterınarııa jáne ósimdikter karantıni salasyndaǵy ýákiletti memlekettik organnyń memlekettik veterınarııalyq-sanıtarııalyq ınspektorlary men ósimdikter karantıni jónindegi memlekettik ınspektorlaryn keden organdaryna issaparǵa jiberý qaǵıdasyn bekitý týraly
«Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 192-babynyń 6 jáne 7-tarmaqtaryna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Veterınarııa jáne ósimdikter karantıni salasyndaǵy ýákiletti memlekettik organnyń memlekettik veterınarııalyq-sanıtarııalyq ınspektorlary men ósimdikter karantıni jónindegi memlekettik ınspektorlaryn keden organdaryna issaparǵa jiberý qaǵıdasy bekitilsin.
2. «Veterınarııa jáne ósimdikter karantıni salasyndaǵy ýákiletti memlekettik organnyń memlekettik veterınarııalyq-sanıtarııalyq ınspektorlary men ósimdikter karantıni jónindegi memlekettik ınspektorlaryn keden organdaryna issaparǵa jiberý erejesin bekitý týraly» Qazaqstan Respýblıkasy Úkimetiniń 2010 jylǵy 7 maýsymdaǵy № 517 qaýlysynyń (Qazaqstan Respýblıkasynyń PÚAJ-y, 2010 j., № 36, 302-qujat) kúshi joıyldy dep tanylsyn.
3. Osy qaýly 2011 jylǵy 1 shildeden bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy28 shildedegi № 870 qaýlysymen bekitilgen
Veterınarııa jáne ósimdikter karantıni salasyndaǵy ýákiletti memlekettik organnyń memlekettik veterınarııalyq-sanıtarııalyq ınspektorlary men ósimdikter karantıni jónindegi memlekettik ınspektorlaryn keden organdaryna issaparǵa jiberý qaǵıdasy
1. Jalpy erejeler
1. Osy qaǵıda Keden odaǵynyń kedendik shekarasynyń qazaqstandyq ýchaskesindegi avtomobıl ótkizý pýnktterinde (budan ári – ótkizý pýnktteri) memlekettik veterınarııalyq-sanıtarııalyq baqylaýdy jáne qadaǵalaýdy jáne ósimdikter karantıni boıynsha baqylaýdy jáne qadaǵalaýdy júzege asyrý úshin veterınarııa jáne ósimdikter karantıni salasyndaǵy ýákiletti memlekettik organnyń memlekettik veterınarııalyq-sanıtarııalyq ınspektorlary men ósimdikter karantıni jónindegi memlekettik ınspektorlaryn keden organdaryna issaparǵa jiberý tártibin aıqyndaıdy. 2. Osy qaǵıdada mynadaı uǵymdar paıdalanylady: 1) jiberýshi memlekettik organ – veterınarııa jáne ósimdikter karantıni salasyndaǵy ýákiletti memlekettik organnyń keden organynyń tıisti aýmaqtyq bólimshesine qyzmetkerdi issaparǵa jiberý úshin kandıdatýrany usynatyn aýmaqtyq bólimshesi; 2) issaparǵa jiberilgen qyzmetker – veterınarııa jáne ósimdikter karantıni salasyndaǵy ýákiletti memlekettik organnyń ótkizý pýnktterinde veterınarııalyq-sanıtarııalyq baqylaýdy jáne qadaǵalaýdy jáne ósimdikter karantıni boıynsha baqylaýdy jáne qadaǵalaýdy júzege asyrý úshin keden organynyń tıisti aýmaktyq bólimshesine jiberilgen memlekettik veterınarııalyq-sanıtarııalyq ınspektory jáne/nemese ósimdikter karantıni jónindegi memlekettik ınspektory. 3. Issaparǵa jiberilgen qyzmetkerlerdiń sany árbir aýmaqtyq keden organynda veterınarııa jáne ósimdikter karantıni salasyndaǵy ýákiletti memlekettik organnyń buıryǵymen belgilenedi. Bul rette, issaparǵa jiberilgen qyzmetkerlerdiń sany olar demalysta bolǵan, eńbekke ýaqytsha jaramsyzdyq saldarynan jumysqa kelmeýi jáne Qazaqstan Respýblıkasynyń eńbek zańnamasynda kózdelgen basqa da mán jaılar kezeńinde ózara almasý qaǵıdattary negizinde qamtamasyz etilýi tıis.2. Issaparǵa jiberilgen qyzmetkerlerdi keden organdaryna jiberý tártibi
4. Jiberýshi memlekettik organ qyzmetkerdi ótkizý pýnktiniń ataýyn kórsete otyryp, keminde bir jyl merzimge issaparǵa jiberý týraly buıryq shyǵarady jáne oǵan qol qoıylǵan kúninen bastap úsh jumys kúni ishinde buıryqty jáne issaparǵa jiberilgen qyzmetkerdiń jeke paraǵynyń kóshirmesin keden organynyń aýmaqtyq bólimshesine jiberedi. Keden organynyń tıisti aýmaqtyq bólimshesi issaparǵa jiberý týraly buıryqty alǵan kúninen bastap úsh jumys kúni ishinde qyzmetkerdiń issaparǵa kelýi týraly tıisti buıryq shyǵarady.3. Issaparǵa jiberilgen qyzmetkerlerdiń qyzmettik jumysy
5. Issaparǵa jiberilgen qyzmetkerler ózderiniń qyzmettik jumysynda Qazaqstan Respýblıkasy ratıfıkasııalaǵan halyqaralyq sharttaryn, Qazaqstan Respýblıkasynyń zańnamasyn, osy Qaǵıdany jáne jiberýshi memlekettik organnyń normatıvtik quqyqtyq aktilerin basshylyqqa alady. 6. Jiberýshi memlekettik organ aýmaqtyq keden organymen birlesip, issaparǵa jiberilgen qyzmetkerdi Qazaqstan Respýblıkasynyń eńbek zańnamasynda kózdelgen eńbek jaǵdaıymen qamtamasyz etedi. 7. Issaparǵa jiberilgen qyzmetkerlerge jiberýshi memlekettik organnyń qarajaty esebinen qyzmetkerlerdiń tıisti sanaty úshin belgilengen jalaqy tólenedi. 8. Issaparǵa jiberilgen adamdarǵa veterınarııa jáne ósimdikter karantıni salasyndaǵy organdar qyzmetkerleriniń mártebesi saqtalady.4. Jumys ýaqyty jáne demalystar
9. Issaparǵa jiberilgen qyzmetkerlerdiń jumys ýaqyty dep keden organdarynyń basshylyǵy bekitken jáne jiberýshi memlekettik organmen kelisilgen kún tártibi sheginde olardyń qyzmettik mindetterin oryndaý ýaqyty túsiniledi. 10. Issaparǵa jiberilgen qyzmetkerlerdiń apta saıynǵy jumys ýaqytynyń jalpy uzaqtyǵy eńbek zańnamasyna sáıkes belgilenedi. 11. Issaparǵa jiberilgen qyzmetkerlerge Qazaqstan Respýblıkasynyń eńbek zańnamasynda kózdelgen jyl saıynǵy eńbek demalysy beriledi. Jyl saıynǵy eńbek demalysyn berý kezeńin jiberýshi memlekettik organ keden organynyń tıisti aýmaqtyq bólimshesine habarlaı otyryp belgileıdi.5. Kótermeleý jáne tártiptik jaza qoldaný tártibi
12. Qyzmettik mindetterin adal oryndaǵany jáne bul rette jumystaǵy qol jetkizgen oń nátıjeleri úshin keden organdarynyń basshylyǵy jiberýshi memlekettik organnyń basshylyǵyna issaparǵa jiberilgen qyzmetkerdi kótermeleý týraly ótinish jasaı alady. 13. Issaparǵa jiberilgen qyzmetker qyzmettik tártipti buzǵan, qyzmettik mindetterin adal oryndamaǵan jaǵdaıda keden organynyń basshysy issaparǵa jiberilgen qyzmetker buzýshylyq jasaǵan kúninen bastap kúntizbelik on kún ishinde bul týraly jazbasha nysanda Qazaqstan Respýblıkasynyń zańnamasyna sáıkes sheshim qabyldaýy úshin jiberýshi memlekettik organdy habardar etedi.
