Onyń aıtýynsha, bilim berý salasynda 97,9 mlrd teńge qarastyrylǵan. Aımaqta 300 balabaqsha men 151 shaǵyn ortalyq jumys isteıdi, olar 48 myń balany mektepke deıingi bilimmen qamtyp otyr. Al, 72 balabaqshada MJÁ aıasynda 6445 bala tárbıelenýde. Sonymen qatar, oblysta úsh tildi bilim berý keshendi jospar boıynsha jumystar júrgizilýde.
Budan basqa, sportty damytý úshin 6,5 mlrd teńge bólindi. О́ńirdegi sporttyq nysandardyń jalpy sany 2026 jetti.
Oblys ákimdiginen habarlaǵandaı, mádenıet salasyna 4,8 mlrd teńge qarastyrylǵan.
Aımaq basshysy atap ótkendeı, Astanada EKSPO-2017 kórmesi aıasynda Jambyl oblysynyń ulttyq kúnderi óte joǵary deńgeıde ótti.
Sondaı-aq, jumyspen qamtý sharalarymen 16 myń adam qamtyldy, onyń ishinde 7762 azamat bos jumys ornyna ornalastyryldy. Múmkindigi shekteýli jandarǵa áleýmettik kómek kórsetý úshin 1,3 mlrd teńge bólindi.
Densaýlyq saqtaý salasyna 55,8 mlrd teńge baǵyttaldy. MÁMS júıesin engizý boıynsha arnaıy shtab qurylyp, halyqqa túsindirý jumystary júrgizilýde.
