Agenttik tóraǵasynyń orynbasary Alık Shpekbaev keńesti asha otyryp, Qazaqstan Doing Business-2017 halyqaralyq reıtıngte 35-oryndy ıelenip, iskerlik ortany jaqsartý boıynsha kóptegen sharalar qolǵa alynǵanyna toqtaldy. Alaıda, saýalnamalar nátıjeleri kórsetkendeı, kóptegen kompanııalar áli kúnge deıin ákimshilik kedergiler men sybaılas jemqorlyq táýekelderi ózderiniń jumystaryna nuqsan keltirip otyr dep esepteıdi.
.Shpekbaevtyń aıtýynsha, bul másele birinshi kezekte nusqamalarda kórsetilgen mindetti talaptardyń jáne ákimshilik rásimderdiń kóp bolýymen baılanysty týyndaýda. Olardyń qataryna veterınarlyq jáne sanıtarlyq-epıdemıologııalyq baqylaý salalary jatady.
Basqosýda aıtylǵandaı, atalǵan salada tirkelgen sybaılas jemqorlyq qylmystardyń sany ósýde. Máselen, 2016 jyly mundaı isterdiń jalpy sany 12 bolsa, al 2017 jyldyń tek birinshi jartyjyldyǵynyń qorytyndysy boıynsha 14 fakti tirkelgen.
Sonymen qatar, jıynda sybaılas jemqorlyq táýekelderin týyndatatyn ózge de jaǵdaıattar sóz boldy. Naqtylaı aıtqanda, veterınarlyq jáne sanıtarlyq-epıdemıologııalyq baqylaý salalaryn retteıtin normatıvtik quqyqtyq aktiler arasynda qarama-qaıshylyqtar men olqylyqtar, tekseris qorytyndylary boıynsha nusqamalarda kórsetilgen buzýshylyqtardy joıýdyń naqty merzimderiniń bolmaýy sekildi birqatar máseleler atap ótildi.
Keńes qorytyndysy boıynsha 49 usynym ázirlendi, onyń 55 paıyzy normatıvtik quqyqtyq aktilerde sybaılas jemqorlyq táýekelderdi joıýǵa baǵyttalǵan bolsa, al 45 paıyzy uıymdastyrýshylyq-basqarý qyzmetterine qatysty.
Sońynda A.Shpekbaev atqarylǵan jumystardy qorytyndylaı kele, engizilgen usynystardyń oryndalý barysy baqylaýda bolatynyn jetkizdi.
«Egemen-aqparat»
