Týrnırde Qazaqstan, Reseı, Italııa, Germanııa, Portýgalııa qurama komandalary men álem quramasy oınaıdy. Sonymen qatar Dıno Badjo, Marko Delvekkıo, Nýný Manıshe, Jan-Per Papen, Roman Shırokov, Valerıı Karpın, Aleksandr Fılımonov syndy álemdik fýtboldyń ardager juldyzdary óner kórsetedi.
Osy jazdyń eń basty sporttyq sharalarynyń biri sanalatyn týrnır bıletterin halyqaralyq kórme kassalarynan nemese resmı saıty arqyly satyp alýǵa bolady eken. Eki jasqa deıingi balalar úshin kirý – tegin. «tickets.expo2017astana.com» saıty arqyly onlaın bılet satyp alý úshin «Mádenı baǵdarlama» tarmaǵyna, onyń ishinde stadıonnyń ýaqyty men sektoryna kirý kerek.
Uıymdastyrýshylardyń dereginshe, bıleti bar adamdarǵa oryn tańdaý erkindigi beriledi. Sondyqtan, eń jaıly oryndardy tańdap alý úshin erterek barýǵa týra keledi.
Ashat Raıqul,
"Egemen Qazaqstan"
