Radjesh Kýmar – Ekspo-2017 halyqaralyq kórmesindegi Gonkong pavılonynyń komıssary. Ol Qytaıdyń Nankın memlekettik ýnıversıtetiniń halyqaralyq ister men qatynastar boıynsha bas dırektory jáne «Jibek joly» qaýymdastyǵynyń bas hatshysy. Atalǵan assosıasııaǵa Jibek joly boıyndaǵy memleketter, qalalar men ýnıversıtetter kiredi. Qaýymdastyq músheleri EXPO-2017 kórmesiniń komıssarlary retinde kórmede ashylǵan «Invest in Pavlodar» ortalyǵyn aralap kórip, qyzyǵýshylyq bildiripti. Tipti, bizdiń oblys ortalyǵy «Jibek joly» boıyndaǵy qala retinde halyqaralyq uıymnyń quramyna enýi de múmkin kórinedi. Kezdesý barysynda Bas hatshy Radjesh Kýmar osyndaı usynys jasady. О́ıtkeni, «Jibek joly»-bul burynnan beri kele jatqan saýda men ózara qarym qatynas jalǵas tarıhı marshrýt deýge bolady. О́ndiristi óńir bul maqsatty oryndaýǵa óte yńǵaıly. Eger bul qaýymdastyq quramyna qosylsa- Qytaıdyń Sııan qalasynda ótetin halyqaralyq uıymdardyń jyl saıynǵy sımpozıýmyn bizdiń oblys ta da qabyldaı alady degen sóz..
Radjesh Kýmardyń pikirinshe, elimizdiń ishki týrızmin halyqaralyq uıymdarmen birge damytý oblys úshin de úlken nátıje. Túrkııanyń jel energetıkasy qaýymdastyǵynyń qurmetti prezıdenti Mýrat Dýraktyń sózinshe, oblys jel kóp soǵatyn jeldi soltústik óńir, sondyqtan jel generatorlaryn ornatý úshin yńǵaıly. Bıdaı eksporttaý máselesi de sóz boldy. Ekinshiden, jergilikti stýdentterdiń shetelde bilim alýlaryna, halyqaralyq tájirıbe jınaqtaýlary qajet. Sondyqtan qaýymdastyqtyqtyń quramyna enetin álemdik ýnıversıtetter qataryna endi S. Toraıǵyrov atyndaǵy memlekettik ýnıversıtet te qosylyp, Nankın memlekettik ýnıversıtetinde bilim alýǵa bes grant bólindi. Ýnıversıtet rektorynyń mindetin atqyrýshy N.Erjanov pen «Jibek jol» qaýymdastyǵynyń bas dırektory R. Kýmar yntymaqtastyq týraly kelisimge qol qoıdy. Memorandým boıynsha stýdentterdi 50 paıyz jeńildikpen oqytý da qarastyrylypty. Professor Radjesh Kýmar oqý ornynyń ǵylymı-óndiristik zerthanasyn, «Ertis» ǵylymı-tehnologııalyq tehnoparkin, Halyqaralyq startap akademııasynda jáne arheologııalyq mýzeıdi aralap kórdi.
Farıda Byqaı
«Egemen Qazaqstan»
Pavlodar
Sýretti túsirgen:
Rýfına Torpısheva
