Memleket basshysynyń tapsyrmasymen QR Premer-Mınıstri Baqytjan Saǵyntaev jumys saparymen Aqmola oblysyna bardy, onda Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýy men «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdi iske asyrý barysymen tanysady.
О́ńirge barǵan Baqytjan Saǵyntaev birinshi kezekte «Esil Agro» JShS sút-taýar fermasy men egis alqaptaryn aralady, onda aýyl sharýashylyǵy óndirisiniń tehnologııalyq erekshelikterimen jáne kásiporyndy odan ári damytý keleshegimen tanysty.
Baqytjan Saǵyntaev sút fermasyn aralaý kezinde kásiporynnyń óndiristik úderisterimen jáne daıyn ónimder kórmesimen tanysty. QR Premer-Mınıstrine munda óndiristik qýattylyqty 2 esege deıin ulǵaıtý jáne saýyn tabynyn 2 400 basqa deıin jetkizý kózdelip otyrǵany týraly aqparat berildi.
Budan keıin Baqytjan Saǵyntaev «Esil Agro» JShS egistiginde boldy, onda Aqmola oblysynyń aýyl sharýashylyǵy basqarmasynyń basshysy Murat Balpannyń egin jaǵdaıy týraly baıandamasyn tyńdady.
Aıta ketý kerek, QR Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyna sáıkes osyndaı kásiporyndardy ashý elimizde ekonomıkalyq ósimniń jańa modelin qalyptasyrý kezinde mańyzdy baǵyttardyń birine aınalýy tıis. Osyǵan oraı, búgingi kúni AО́K damytýdyń 2017-2021 jyldarǵa arnalǵan memlekettik baǵdarlamasy aıasynda otandyq aýyl sharýashylyǵy óndirýshilerine keshendik qoldaý kórsetilip jatyr. Onda jeńildikpen nesıelendirý men qoldaý kórsetýdiń ózge de tetikteri qarastyrylǵan.
Sondaı-aq, búgin QR Premer-Mınıstri óndiristik jáne aýyl sharýashylyǵy kásiporyndarynyń, sport jáne týrıstik ınfraqurylym nysandarynyń jumysymen tanysady, olardyń ishinde «Esil-Agro» JShS, «Tynys» AQ, Shýchınsk qalasynyń shańǵy sportynyń respýblıkalyq bazasy, sondaı-aq Býrabaı aýylynyń týrıstik nysandary bar.
Baqytjan Saǵyntaev Shýchınsk-Býrabaı kýrorttyq aımaǵyn damytý máseleleri jóninde keńes, «Atameken» Kásipkerler palatasynyń óńirlik keńesiniń múshelerimen ShOB-ti damytý máseleleri boıynsha kezdesý, sondaı-aq О́nimdi jumyspen qamtý jáne jappaı kásipkerlik baǵdarlamasy men «Cerpin» áleýmettik jobasyn iske asyrý týraly keńes ótkizedi dep kútilýde.
Budan ózge, QR Premer-Mınıstri Baqytjan Saǵyntaev Kókshetaý qalasynyń Jumyspen qamtý ortalyǵynyń jumysymen jáne «Shýchınsk – Býrabaı» avtojolyn jóndeý sapasymen tanysady.
Anyqtama:
О́ńirde «Qazaqstan jaýhary» atalyp ketken Býrabaı ulttyq saıabaǵy bar, onda 14 iri kól, onyń ishinde Býrabaı, Shortandy, Qotyrkól jáne kóptegen usaq kólder ornalasqan. Býrabaı faýnasynda omyrtqalylardyń 300-ge jýyq túri, florasynda – orman, dala, sortań ósimdikteriniń 800-ge jýyq túri bar. Munda sondaı-aq kóptegen shıpajaılar men balshyqpen emdeıtin oryndar ornalasqan.
Aqmola oblysynyń iri jáne júıe quraýshy kásiporyndary «Altyntau Kokshetau» AQ, «KAMAZ-Injınırıng» AQ, «EPK-Stepnogorsk» AQ, «Qazaqaltyn» TMK» AQ jáne «SGHK» JShS bolyp tabylady. Indýstrııalandyrý kartasy aıasynda oblysta 623,3 mlrd teńge ınvestısııa kólemimen 17 jobany iske asyrý jalǵasýda. 2017 jyly IIDMB aıasynda olardyń quny 95,4 mlrd teńge bolatyn 1 119 jumys ornyn qurýmen 7 jobasyn engizý josparlanǵan.
«Esil Agro» JShS kásiporny 2009 jyly ashylǵan jáne qazirgi tańda munda sút berý baǵytynda - 1 609 iri qara mal men et berý baǵytynda – 387 mal basy bar. Budan ózge, munda 87 000 ga a/sh alqaby bar, sonyń ishinde egistik jer – 41 366 ga jáne tabıǵı jaıylym jeri – 45 634 ga. Olardyń ortasha ónimdiligi bir gektardan 15 sentnerdi quraıdy, olardyń qatarynda dándi-burshaqty daqyldar 22 500 tonna, maıly daqyldar – 2 500 tonna.
