Osy bir aı ishinde Pavlodar aýdany Zarıa aýylyna keldi. Sport keshenine júrgizilgen jóndeý jumystaryn kórdi. Birlik aýylyndaǵy báıge attaryn baptaıtyn shynyqtyrý bazasynda boldy. Olgınka aýylyn aralap oblys ákimi «Ertis» ShQ-na tıesili gıdroponıka sehin, Shaqat aýylynda ashylǵan «Trýhın» balyq sharýashylyǵyn aralap kórdi. Jeke kásipker Gennadıı Trýhın 50 ga aýmaqta óz kúshimen balyq ósiretin toǵannyń qurylysyn bastaǵan. Bul maqsatqa ol óz qarajatynan 11 mıllıon teńge jumsaǵan. Toǵanda tuqy men sazan tuqymdas balyqtar ósiriledi. Krasnoarmeıka aýylynda bos turǵan ǵımaratyn bıýdjettik salanyń qyzmetkerleri úshin kóp páterli turǵyn úı retinde qaıta qurý jáne ortalyq qazandyqqa jóndeý júrgizý jumystarynyń jobalaryn tanystyrdy. Tolybaı aýylynda jergilikti turǵyndar Bolat Baqaýovtan úıi órtengen qart anaǵa járdemdesýin surady. Budan soń Bolat Baqaýov Aqtoǵaı aýdanyna baryp, aýdandardan kelgen aýylsharýashylyq, kókónis ósirýshilerdi jınap «Egistik kúni« merekesin ótkizip qaıtty. Kórmede eginshilerge “Rostselmash”, “Kıroves”, “John Deere” zaýyttarynyń aýyl sharýashylyq tehnıkasy kórsetildi. «Aqtoǵaı-Agro» JShS-i ózderi ósiretin kartop pen júgeriniń jańa suryptaryn kórsetti. Qazirgi kezde kásiporynda kartoptyń gollandtyq suryptarymen qatar qazaqstandyq túri de ósiriledi. aınalysady. Odan keıin Lebıaji aýdanyna baryp qarbyz ósirýshilerge baryp, jańa pisip jatqan qyzyl qarbyzdan aýyz tıdi. Aýdanda baqsha ónimderi 2,7 myń gektar jerge egilgen.
Endi mine, keshe Qashyr aýdanynyń aýyldaryn aralady. Lvovka degen aýyl bar. Bul jerde memlekettik-jeke menshik áriptestik sheńberinde balabaqsha qurylysy júrip jatyr. Kásiporyn basshysy A. Vılgelm týǵan aýylynyń kishkentaılaryna osyndaı syılyq jasap otyr. Peschan degen de aýyl bar. Peschan orta mektebi de bar. Mektep aýlasynda qustar men ańdardyń músinderin kórip tańqalypty. Bulardy jasaǵan Marat Álenovke qoldaý kórsetpekshi. Aýyldardy jıi aralaıtyn oblys ákimi aýyldardyń baıyrǵy attaryn qaıta oraltýdy eske ala júrse deımiz.
Farıda Byqaı
«Egemen Qazaqstan»
Pavlodar oblysy
