Shara aıasynda mádenıet kúnderi aıasynda óńirdiń úzdik qaıratkerleri óner kórsetedi. Sondaı-aq, sýretshiler, músinshiler, qolóner sheberleriniń eńbekteri jurt nazaryna usynylyp, sporttyq jarystar jáne óńirdiń aýyl sharýashylyǵy taýaryn óndirýshilerdiń jármeńkesi uıymdastyrylady.
5 tamyz kúni EKSPO amfıteatrynda keshke saǵat 21.30-da Qostanaı oblysy Mádenı kúnderiniń ashylý saltanaty jáne óńirdiń úzdik shyǵarmashylyq ujymdarynyń gala-konserti ótkiziledi.
6 tamyzda «Qazanat» atshabarynda «Shyrqar ánim týǵan ólkem - Qostanaı!» konsertinde Qostanaı oblysyndaǵy halyq ánderin úzdik oryndaýshylar, sondaı-aq, Elýbaı О́mirzaqov atyndaǵy oblystyq fılarmonııasy shyǵarmashylyq ujymdarynyń ónerin tamashalaýǵa bolady.
Sol kúni elordadaǵy Q.Qýanyshbaev atyndaǵy qazaq mýzykalyq-drama teatrynda qostanaılyq oblystyq qazaq drama teatry Ybyraı Altynsarınge arnalǵan «Dala shamshyraǵy» spektaklin qoıady.
7 tamyzda M.Gorkıı atyndaǵy orys teatrynda qostanaılyq ártister Ahmet Baıtursynov pen onyń jubaıy Bádrısafaǵa arnalǵan «Lıýbov ı smert Aq kelin» spektaklin elordalyqtarǵa usynady.
Sonymen qatar, 7 tamyz kúnida keshke Astananyń ortalyq alańynda - «Slavıanskaıa pesnıa» orys halyq aspaptar orkestri men ansambliniń «Mýzyka-dýsha naroda» vokaldyq-poetıkalyq baǵdarlamasy qoıylady.
Kelesi kúni sol jerde «Kostanaıskıe zorı» bı ansambliniń «Sıqyrly bı álemi» horeografııalyq sholýy ótkiziledi.
9 tamyzda ortalyq alańynda Qostanaı oblysy mádenı kúnderiniń jabylý saltanaty, konserttik Big-band pen «Nıý-boıs» tobynyń «Dostarmen birge zamanaýı áýen aıasynda» djazdyq sholýy bolady.
Sonymen qatar, 31 shildeden 9 tamyzǵa deıin etnoaýylda («Qazanat» atshabary) oblystyń 20 qolóner sheberiniń «Týǵan jer qushaǵynda» ekspozısııalyq kórmesi ótedi.
5-6 tamyzda «Qazanat» atshabarynda kórinister kórsetilip, sporttyń ulttyq túrleri boıynsha jarystar ótedi: qyz qýý, aýdaryspaq, jamby atý, toǵyzqumalaq, qazaq kúresi, alaman báıge, qunan báıge.
Sonymen qatar senbi jáne jeksenbide «Qazaqstan» sport kesheninde Qostanaı oblysynyń 14 aýdany men qalalary aýyl sharýashylyǵy taýaryn óndirýshileriniń qatysýymen jármeńke ótedi. Onda shujyq, sút, kondıterlik, un jáne makaron ónimderiniń túrleri jáne basqa da ónimder taýar óndirýshilerdiń baǵasymen usynylady.
