Álem saıasatkerleriniń lebizi

Qazaqstan Prezıdentiniń kóregen saıasaty bolmaǵanda, bul óńirdegi halyq áli kúnge deıin synaqtardan zardap shegip otyrýy múmkin edi. Sizdiń Ortalyq Azııada ıad­rolyq qarýdan azat aımaq qurý bastamańyzben Sol­tús­tik jarty sharda ondaı aýmaq tuńǵysh ret quryl­ǵa­nyn zor rızashylyqpen aıta alamyn. Pan Gı MÝN, BUU Bas hatshysy. * * * Qurmetti Prezıdent myrza! Sizdiń basshyly­ǵy­ńyz­ben Qazaqstan jappaı qy­ryp-joıatyn qarýdy taratpaý isinde álemniń jetekshi el­deriniń birine aı­nal­dy. Djordj Ýoker BÝSh, AQSh-tyń burynǵy prezıdenti. * * * Iаdrolyq qarýsyz el már­tebesin tańdaý – Qazaq­stan­­nyń 90-shy jyl­dar­dyń ba­syndaǵy álemdik qaýip­­siz­dik júıesindegi aýyt­qý­shy­lyq­tyń qaterli zar­dap­ta­ryn ań­ǵara bilýiniń ná­tı­jesi. Qazaqstan halyqaralyq qoǵamdastyqqa óziniń syrt­­qy saıasatynyń ashyq­ty­ǵyn, ózi­niń zorlyq-zom­by­lyq pen so­ǵys qaterinen ada dúnıege adaldyǵyn pash etti, sóıtip, Qazaq­stan­nyń IýNESKO ıdeıa­­laryna adal­dyǵyn taǵy da dá­leldep berdi. Iаdrolyq qarýdyń kúlli taqsyretin óziniń qaıǵyly tájirıbesi arqyly ta­nyp-bilgen eldiń ókili retinde men Qazaqstannyń beıbitshil ja­hatshylyq­ta­ryn ja­­nyma ja­qyn qabyl­daı­myn, al Bas dırektor retinde Qa­zaqstan Prezıdenti N.­Á.Na­­zar­baev­tyń ıad­ro­lyq qarý qor­laryn joıý­ǵa baǵyt­tal­ǵan kúsh-ji­gerin barynsha quptaımyn. Koıtıro MASÝMA, IýNESKO-nyń Bas dırektory. * * * Qurmetti Prezıdent myrza! Men Sizben 1992 jyly Almatydaǵy kezdesýimdi jáne Sizdiń Iаdrolyq qa­rýdy taratpaý jónindegi shart­qa qo­sylý jóninde qa­byldaǵan batyl sheshi­mi­ńizdi eshqashan umytpaq emes­pin. AQSh pen Qazaqstannyń «Nann-Lýgar baǵdarla­ma­sy» boıynsha júzege asy­ryl­ǵan jappaı qyryp-joıa­tyn qa­rý­dyń ınfra­qu­ry­ly­myn ból­shek­teý sala­syn­daǵy tyǵyz ynty­maq­tas­ty­ǵy bizdiń elderimiz ara­syndaǵy izgi qa­ty­nas­tar­dy damytý úshin qu­nar­ly negiz bolyp qalady. Bul qa­­ty­nastarymyz ýa­qyt sy­ny­­nan múdirmeı ót­ti, ári jemisti boldy, sóı­tip AQSh pen Qazaqstan óz ynty­maq­tas­ty­ǵyn keńeı­tip, ny­ǵaı­ta tústi. Bizdiń ıadrolyq qarýdy taratpaý men terrorızmge qarsy kúres salasynda qol jetken ilgerileýimizdiń eń taıaý ýaqytta basqa da sa­lalarǵa taralaty­ny­na úmit­­ti­min. Rıchard LÝGAR, AQSh senatory. * * * Prezıdent N.­Na­zar­baev­qa, senatorlar R.Lýgar men S.Nannǵa Nobel beıbitshilik syılyǵy berilse, olardyń tarıhı úlesin adamzattyń laıyqty baǵalaǵany bolar edi. Mundaı joǵary baǵanyń ıadrolyq qaterdi azaıtyp, ja­handyq qaýipsizdikti ny­ǵaı­tatynyna meniń senimim mol. Entonı FALEOMAVAEGA, AQSh Kongresi ókilder palatasynyń múshesi. * * * Qazaqstan jáne N.Na­zar­baevtyń jeke ózi beıbitshilikti nyǵaıtýǵa eleýli úles qosty. Qazaqstannyń ónegesi boı­ynsha birneshe memleket ıadrolyq qarýdan óz erikterimen bas tartty. Meniń oı­ym­sha, álem Qazaqstanǵa rahmet aıtýy kerek. Djek STRO, Ulybrıtanııanyń Syrtqy ister mınıstri. * * * Iаdrolyq jarylystar­dyń qandaı zardaptarǵa soq­ty­ratyny jaıynda paıym­daı otyryp, N.Nazarbaev bu­rynǵy KSRO elderi prezı­dentteriniń ishinde ıadrolyq qarýdy joıyp, Ortalyq Azııa óńirinde ıadrolyq qarýsyz aı­maq qurýǵa shaqyrǵan birinshi adam boldy. Teorııalyq tur­ǵydan kelgende, Qazaqstan ıad­rolyq astam derjava­lar­dyń birine aınala alar edi. Eger ol kezinde KSRO ydy­ra­ǵannan keıin óz aýmaǵynda qal­ǵan 1400-den astam ıadro­lyq oqtumsyqtardy baqy­laý­ǵa alǵanda, onyń qa­raý­yn­da san jaǵynan Ulybrı­ta­nııa­ny, Fransııa men Qy­taı­dy qosa alǵandaǵydan asyp tú­setin qarý-jaraq qory bolǵan bolar edi. Oqtu­m­syq­tardyń kópshiligi AQSh-qa kezelgen zymyrandarǵa orna­tyl­ǵan-tyn. Qazaqstan bolsa, óziniń aýmaǵyndaǵy ıadro­lyq qarýdy óz erkimen Reseıge berip, Iаdrolyq qarýdy tartpaý týraly shartqa qol qoıdy, sóıtip, ıadrolyq qarýsyz memleketke aınaldy. Grem ALLISON, Garvard ýnıversıteti memlekettik basqarý mektebi ortalyǵynyń dırektory, professor. * * * Álem ıadrolyq terrorızm men ıadrolyq qarýdy taratpaý jónindegi taǵy bir qa­ter­den aryldy. Men Prezıdent N.Nazarbaevtyń osy istegi kóshbasshylyǵyn baǵa­laımyn. Bıll KLINTON, AQSh-tyń burynǵy prezıdenti. * * * Prezıdent Nazarbaev pen onyń murattastary qıyn jaǵdaıda, keńesten keıingi kúlli keńistiktegi asa iri bet­burys oqıǵalardyń tu­syn­da ıadrolyq qarýdan bas tartý men Qazaqstandy ıad­ro­lyq qarýsyz elge aı­nal­dyrý jóninde sheshim qabyl­daýǵa táýekel etti. Sol úshin Qazaqstan basshylyǵy synǵa da uryndy, uǵynbaýshylyqqa da ushyrady. Soǵan qara­mas­tan, Prezıdent N.Nazarbaev halqynyń erik-jigerine súıenip, ıadrolyq qarýsyz­da­ný men ony taratpaý tár­tibin nyǵaıtý saıasatyna, álemniń qaýipsizdigine qosyl­ǵan shyn mánindegi ólsheýsiz úles retinde baǵalaýǵa bo­latyn baısaldy qadam ja­sady. Ol óziniń is-qımyly arqy­ly basqa basshylarǵa halyq­ara­lyq qaýipsizdikke qatys­ty iri problemalardy sheshýge barynsha jaýapkershilik pen batyldyq turǵysynan kelýdiń ónegesin kórsetti. M. GORBAChEV, KSRO-nyń burynǵy prezıdenti.