Bıyl aýdanda baqsha ónimderi 2,7 myń gektar jerge egilipti. Bir qyzyǵy salmaǵy óte aýyr qarbyzdardy bazarlardan keıbir turǵyndar, zeınetkerlerge úılerine deıin alyp barý qıyn kórinedi. -Sondyqtan qaladaǵy turǵyn úılerdiń qasyna ákep satýǵa ruqsat etse, bizge de yńǵaıly bolatyny sózsiz,-deıdi qarbyz ósirýshiler.
Qaırat Shapýov basqaratyn «Qaırat» sharýa qojalyǵy 16 jyl boıy qarbyz ósiredi. Qaırat ósirgen aýyl qarbyzdary Krasnoıarsk, Tıýmen, Irkýtsk, Novosibir, Ombyǵa barady. Oblysta joǵary suranysqa ıe. Naryqtan óz ornyn aldy. Qarbyzdyń 30 túrli sorttaryn ósiredi.Baqshashylar ósirgen lebıajilik bir qarbyzdyń ortasha salmaǵy 10 keliden asady. Tipti, 20 keli 300 gramm tartatyn «Farao» sortty qarbyz bar. Syrty sap-sary, ishi qyzyl nemese syrty jasyl, ishi sary qarbyzdardy kóresiz, «Velıkan», «Red-krıstall» atalatyn ekzotıkalyq qarbyzdar da bar. Qara tústi «Qarapatshaıym» qarbyzy, «Karıstan» jáne jańa «Bomba» sorttary bar. Shveısarııalyq seleksııa ádisterimen ósirilgen «Top gon», «Oranj kıng», «Chernyı prınsty» óte dámdi.
Jergilikti jurt «Qarapatshaıym» men «Chernyı prınsty» izdeıtini de sodan. Lebıajide qarbyzdyń bulaı ósý sebebi-jeri tuzdy deıdi ǵalymdar. Aýdanda 10 sharýa qojalyǵy qarbyz ósirýde. Qaırattyń sharýa qojalyǵy jyl saıyn 250- sentnerge deıin ónim jınaıdy.
Farıda Byqaı
«Egemen Qazaqstan»
Pavlodar oblysy,
Lebıaji aýdany
Sýretterdi túsirgen - Vladımır Býgaev
