Memlekettik mereke aıasyndaǵy mereıli shara

Keshe Memleket hat­shysy Qanat Saýdabaev pen Astana qalasynyń ákimi Imanǵalı Tas­ma­ǵambetov Qazaqstan Res­pýblıkasy Táýelsiz­di­giniń 20 jyldyǵy qarsańynda elorda­myz­da ótip jatqan Qa­raǵandy jáne Sol­tús­tik Qazaqstan oblys­ta­rynyń aýyl sharýa­shy­lyǵy taýarlary jár­me­ńkesin jáne Mańǵystaý oblysy kúnderi aıasynda uı­ymdastyrylǵan óńirdiń áleýmettik-ekonomıkalyq jetistikteri kórmesin aralap kórdi. Memlekettik hatshy aldy­men Astana qalasy ákimdigi al­dyndaǵy ortalyq alańda qo­nys tepken Qaraǵandy obly­sy­nyń jármeńkesine atbasyn tiredi. Qaraǵandy oblysy Astana qalasynda osy kúnderi ótip jatqan oblys mádenıeti kún­deriniń sheńberinde shy­ǵar­mashylyq ujymdarynyń eń kóp sanyn alyp kelgen aımaq retinde erekshelendi. Qara­ǵan­dy oblysynyń ákimi Serik Ahmetov atap kórsetkendeı, or­ta­lyq alańda óńirdiń aýyl­sharýashylyq taýarlaryn ón­di­rýshileri júzge tarta saýda ornyn qurdy. Árıne, eshbir jármeńke mádenı baǵdarla­ma­syz ótpeıtini belgili. Qara­ǵan­dy oblysynan osy mádenı shara aıasynda 500-den astam ká­si­bı óner sheberleri kelip, asta­na­lyqtar men qala qonaq­ta­ryn án áýezimen sýsyndatty. Odan keıin Qanat Saýdabaev pen Imanǵalı Tasmaǵam­betov «Dýman» oıyn-saýyq or­talyǵynyń qasyndaǵy alańda ornalasqan Soltústik Qazaq­stan oblysynyń jármeńkesin aralady. Oblys ákimi Serik Bilálov Memlekettik hatshy men Astana qalasynyń ákimine óńirdiń áleýmettik-ekonomı­ka­lyq damý jetistikteri týraly baıandap, Qyzyljar jerinen jetken jármeńkedegi aýyl­sha­rýashylyq eńbekkerleriniń ónim­derimen tanystyrdy. Memlekettik hatshy Qanat Saýdabaev elordada óńirlerdiń mádenı kúnderi aıasyndaǵy ótip jatqan jármeńke men mádenı-rýhanı sharalardyń áleýmettik mańyzdylyǵyn erekshe atap kórsetti. Jylqybaı JAǴYPARULY.