EKSPO-2017 halyqaralyq kórmesine arnalǵan sporttyq sharalar aıasynda fýtboldan Football Cup týrnıri ótip jatyr. Bul básekede burynǵy fýtbol juldyzdarynan quralǵan alty eldiń komandasy kúsh synasýda.
Álem juldyzdary jáne Germanııa quramalarymen birge «A» tobyna túsken Qazaqstan fýtbolshylary týrnırdi sátti bastaǵan. Olar Germanııa quramasyn 8:6 esebimen jeńgen bolatyn.
Al ekinshi kezdesýde jerlesterimiz Álem juldyzdarynan 4:7 esebimen jeńilip qaldy.
«V» tobynda Italııa, Portýgalııa jáne Reseı quramalary ózara kúsh synasýda.
Jelaıaqtyń jeńilisi
Londonda jeńil atletıkadan ótip jatqan álem chempıonatynda áıgili jelaıaq, Olımpıadanyń segiz dúrkin chempıony Ýseın Bolt 100 metrlik qashyqtyqta 9,95 sekýnd nátıjemen qola júldeni mise tutty.
Eske salsaq, bul chempıonat ıamaıkalyq ańyz adamnyń sporttyq karerasyndaǵy jekeleı syn boıynsha júgirgen aqyrǵy jarysy bolatyn.
Al bul synda amerıkalyq júırik Djastın Gatlın máre syzyǵyn 9,92 sekýnd kórsetkishpen birinshi bolyp qıyp, álem chempıony atandy. Kúmis medal AQSh-tyń taǵy bir atleti Krıstıan Koýlmanǵa (9,94) buıyrdy.
Ázirlegen
Qaırat JÚNISULY
