HIH ǵasyrdyń aıaǵy, HH ǵasyrdyń basynda ómir súrgen ataqty qobyzshy Yqylas Dúkenuly óz qolymen jasap, keremet kúılerdi ańyratyp tartqan qobyzy búginde Jambyl oblystyq tarıhı-ólketaný mýzeıiniń qundy jádigerleriniń qatarynda tur.
Bul qobyzdy kúıshiniń urpaqtary qasterlep, áýlettiń kıeli, qasterli zaty retinde saqtap kelgen. Qundy jádigerdi mýzeı qoryna 2008 jyly qobyzshynyń shóbere kelini Jambyl oblysynyń Sarysý aýdanyndaǵy Jaılaýkól aýylynyń turǵyny Altyn Aqynbaeva ótkizgen. Bul apamyzdyń aıtýyna qaraǵanda, Yqylas atamyzdyń murasyna áýeli qobyzshynyń kishi uly Aqynbaı men kelini Rázııa ıelik etken.
Aqynbaı marqum erterekte qaıtys bolǵan soń, Rázııa ájemiz ótken ǵasyrdyń 80-jyldaryna deıin qobyzdy eshbir janǵa ustatpaı, óz úıinde saqtap kelgen. Ájemiz qartaıǵan soń qobyzdy uly Dáýlet pen kelini Altynǵa amanattap ketken. Bir qyzyǵy, bul qobyzdyń alda-jalda aýylda, áýlette jaqsy-jaman jaǵdaı bola qalsa shegi dyńyldap, dybys shyǵaryp, belgi beretin qasıeti bolǵany jaıly áńgime bar.
Gúlnur EMBERDIEVA
