Jetisý jerinde bolǵan ashyq áńgimege túrli salanyń kóshbasshylary, qoǵamǵa belgili adamdar qatysty. Ortalyq kommýnıkasııalar qyzmetiniń Almaty oblysy aımaqtyq bólimi tuńǵysh ret beıresmı baspasóz sharasyn ótkizýde.
«Ortalyq kommýnıkasııalar qyzmeti» RMM dırektory Artýr Nyǵmetov óziniń alǵy sózinde: «QazTalks - ashyq áńgime alańy» QR Prezıdenti N.Á. Nazarbaevtyń «Bolashaqqa baǵdar: rýhanı jańǵyrý» atty maqalasynda kórsetilgen birqatar ıdeıalardy júzege asyrýǵa arnalǵan jıyn ekenin atap ótti. Sonymen qatar, Ortalyq kommýnıkasııalar qyzmetiniń memelekettiń aqparattyq saıasatyn durys baǵytta júrgizetin is-sharalary týraly aıtty.
Saıasat maıtalmandary «Astana» halyqaralyq qarjy ortalyǵynyń atqarýshy dırektory Nurbek Saıasat, «Sakraldy Qazaqstan» ǵylymı-zertteý ortalyǵynyń basshysy Berik Ábdiǵalı óz oılaryn ortaǵa saldy.
Al ǵylym-bilim salasyn saraptaǵan QR UǴA korrespondent-múshesi, A.Baıtursynuly atyndaǵy Til bilimi ınstıtýtynyń dırektory Erden Qajybek boldy. Erden Qajybek aýdıtorııa aldynda latyn qarpine kóshý tıimdiligi jaıly oı bólisti. Spıkerdiń aıtýynsha, 1926 jyly Qazaqstanda qaıtadan Jańa álipbeshiler qoǵamy qurylyp, onyń quramynda J.Chombalov, T.Rysqulov, T.Shonanov, A.Baıseıitov, B.Maılın bolǵan. 1927 jyly 19 qarashada Qyzylordada latyn álipbıin qoldaıtyn «Jańa qazaq» álipbıiniń ortalyq komıteti qurylady. Alaıda, qyzyl saıasattyń qurbany bolǵan bastama aıaqsyz qalǵan.
Búginde Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen mindetterdiń biri - latyn qarpine kóshýdiń tıimdiligin óz baıandamasynda túsindirip berdi. Sonymen qatar, belgili jýrnalıst-júrgizýshi, «Jetisý» telearnasynyń dırektory Beısen Quranbek pen atalǵan arnanyń «Jańalyqtar» qyzmetiniń jetekshisi Esbolat Aıdabosyn «QazTalks» alańyna shyqty.
Spıkerler aqparattyq keńistiktegi jańa kommýnıkasııalar týraly óz tájirıbe- ıdeıalarymen bólisti.
