Atalmysh sharaǵa shyǵarmashyl zııaly qaýym ókilderi, ardagerler, mereıtoı ıesiniń týysqandary, sol sııaqty jergilikti ýnıversıtet pen kolledjderdiń stýdentteri qatysty. Jınalǵandardy aımaq basshysy Qumar Aqsaqalov quttyqtady. О́ńir basshysy uly tulǵalardyń esimin ulyqtaý, tarıhı-mádenı nysandar ashý, eskertkishter ornatý – Elbasynyń «Rýhanı jańǵyrý» baǵdarlamasyn júzege asyrýdyń ózekti baǵyttarynyń biri ekendigin atap kórsetti.
«Baǵdarlamany júzege asyrý bizdiń memleketimizdiń, halqymyzdyń tarıhyn tanýǵa, el tarıhynda eshkimge uqsamaıtyn Báıken Áshimov sııaqty kemel tulǵalardyń ǵalamat rólin sezinýge jol ashady. Uly Otan soǵysy jyldarynda kórsetken erligi men tabandylyǵy úshin «Qyzyl Juldyz», eki márte birinshi dárejeli «Otan soǵysy» ordenderimen, «Erligi úshin» medalimen, Polshany azat etkeni úshin ordenmen marapattaldy. Partııalyq keńes jumysynda ol ózin dana uıymdastyrýshy jáne saıasatker retinde kórsete bildi. Mınıstrler kabınetiniń tóraǵasy laýazymynda Qazaqstannyń damýyna baǵa jetpes úles qosty. Memleket basshysy Báıken Áshimovti «Otan» ordenimen marapattaı otyryp, Báıken Áshimulynyń ómiri Uly Otanymyzǵa qaltqysyz qyzmet etýdiń jáne qajyrlylyqtyń jarqyn úlgisi ekendigin atap aıtqan bolatyn», dedi Qumar Aqsaqalov.
Saltanatty sharada marqumnyń uly, M.Qozybaev atyndaǵy SQMÝ-diń rektory Ońdasyn Áshimov, Parlament Májilisiniń depýtaty Káribaı Musyrman, L.N. Gýmılev atyndaǵy Eýrazııa ulttyq ýnıversıtetiniń professory Anatolıı Bashmakov, birge qyzmet atqarǵan áriptesteri Jaqsylyq Ysqaqov, Alık Dıadın júrekjardy lebizderin bildirdi.
О́mir ESQALI,
«Egemen Qazaqstan»
