Áriptestik áleýeti

Memlekettik hatshy Qanat Saýdabaev Eýropalyq Keńestiń Bas hatshysy Týrborn Iаglandpen de kezdesý ótkizdi. Qanat Saýdabaev óziniń só­zin­de mártebeli qonaqtyń, ıaǵnı Eý­ro­palyq Keńes Bas hatshysynyń Qazaqstanǵa jasaǵan sapary óz­ara áriptestikti odan ári keńeı­týge jáne nyǵaıtýǵa tyń serpin beredi degen senimin jetkizdi. «Sizdiń Qazaqstan Prezıdenti Nur­sultan Nazarbaevpen kezde­sýi­ńiz Qazaq­stan­nyń da, Eýro­pa­lyq Keńestiń de bolashaqta árip­testikke, eýropa­lyq qurylym­daǵy ıntegrasııaǵa ázir ekendigin kórsetti», – dedi Memlekettik hatshy. T.Iаgland óz kezeginde Qazaq­stan Prezıdentimen, sondaı-aq, Konstıtýsııalyq keńeste, Syrt­qy ister mınıstrliginde, Prokýratýrada ótken kezdesýlerdiń barlyǵy nátıjeli ári paıdaly bolǵanyn jetkizdi. «Bul rette, men búginde Eýropalyq Keńes pen Qazaqstan eki jaqqa da tıimdi yntymaqtastyqty damytý baǵy­tyn basshylyqqa alyp kele jatqanyn atap kórsetsem deımin. Biz bul kezdesýler barysynda Qazaqstannyń birqatar qosymsha kelissózder men konvensııalarǵa qosylý úderisine qatysty is-sharalardyń joba-josparyn tal­qyladyq. Osy oraıda men myna máselege qýanyshty ekenimdi jet­­kizgim keledi. Biz Qazaq­stanmen osy baǵyttaǵy áriptestikti jan­dan­dyrýǵa qyzyǵýshylyq tany­typ otyrmyz. Sondaı-aq, «kór­shi­ler yntymaqtastyǵy» saıasa­tyn alǵa jyljytyp kelemiz. Mundaı saıasat Ortalyq Azııa, Jerorta teńizi men Arab elderimen yntymaqtastyqty odan ári nyǵaıtýǵa baǵyttalǵan. Bul yn­tymaqtastyq bolashaqta da óz jal­ǵasyn tabady degen oıda­myz», – dedi Eýropalyq Keńestiń Bas hatshysy. Bul rette mynany aıta keteıik, Eýropalyq Keńes Bas hat­shy­synyń Qazaqstanǵa sapary 2009 jyldyń jeltoqsan aıynda Memlekettik hatshy – Syrtqy ister mınıstri Qanat Saýdabaev pen Týrborn Iаglandtyń Afınada, EQYU Syrtqy ister mınıstrleri keńesinde qol jetkizilgen ke­lis­sózge sáıkes  ótkizilýde. Bul sapardyń maqsaty – Qazaqstan men Eýropalyq Keńes arasyn­da­ǵy yntymaqtastyq áleýetin odan ári nyǵaıtý. Eýropalyq Keńes Bas hat­shy­sy T.Iаgland Qazaqstan men Eýro­palyq Keńes áriptestigin tıimdi damytý máselesin árdaıym nazarda ustap keledi.