Kólik qyzmetkerleri kúnine arnalǵan saltanatty shara kezinde kásipodaqtyń mereıtoılyq belgisine kásipshiler odaǵy uıymynyń tóraǵasynyń buryńǵy orynbasary Amankeldi Baıjumanov, «QTJ» UK» AQ magıstraldik jeli Dıreksııasynyń kásipodaq tóraǵasy Baljan Botataeva, «Jolaýshylar tasymaly» AQ aımaqtyq «Soltústik» fılıalynyń jolserigi Kenjebolat Muqanov ıe boldy.
Alýan túrli marapattar kásipodaq úzdikterine jyl sońyna deıin beriledi. Qazirgi tańda kásipodaq 120 myńnan astam temirjol, avtomobıl, áýe jáne sý kóliginiń qyzmetkerlerin biriktirip otyr.
«Sala men kásipodaq basshylyǵynyń birigip nyǵaıýy arqasynda, kólik kesheninde eńbekke degen qabilettilik saqtalynyp, sonymen qatar áleýmettik turaqtylyqpen qamtamasyz etildi», - dedi «Qazkólikkásip» tóraǵasy O.Ahmetbaev.
Aıta ketetin jaıt, bıylǵy jyldyń birinshi jarty jyldyǵynda ujymdyq shartta eskerilgen barlyq kepildikter men tólemder saqtaldy. Qazir 2018-2020 jyldaryna arnalǵan áleýmettik-ekonomıkalyq máselelerdi qarastyratyn salalyq kelisimshart pen ujymdyq shartty daıyndaý jumystary júrgizilip jatyr.
