El birligi – basty baılyǵymyz

Dostyq úıinde Din isteri jáne qoǵamdyq kelisim mınıs­tr­liginiń qoldaýymen oblys­tyq Qazaqstan halqy Assambleıasy men «Gýonlen» jastar or­talyǵy «Qoǵamdyq kelisim já­ne ulttyq birliktiń qazaq­standyq úlgisi» degen taqy­ryp­ta aımaqtyq ǵylymı-tájirı­belik konferensııa uıymdas­tyryp, ultaralyq qarym-qaty­nastardy jetil­dirý, til, din, áleýmettik bir­tek­tilik, beıbit­shilik, rýha­nııat, mádenıet má­se­leleri jan-jaqty talqylandy.

Alqaly basqosýdy ob­lys­tyq Qazaqstan halqy Assam­bleıasynyń hatshylyq meńge­rýshisi Naıl Salımov ashyp, Dos­tyq úıinde – 23, jergilikti jerlerde 100-den astam etno­mádenı bir­les­tik jumys isteıtinin, olardyń etnos­aralyq, konfessııa­aralyq bir­li­gimizge jan-jaq­ty qoldaý kór­setip, ólsheýsiz úles qosyp kele jatqanyn atap ótti. As­sam­bleıa qyzmetin­de jastar jáne úkimettik emes uıymdardyń da alatyn or­ny erekshe. Olar óńirdiń saıası-mádenı ómirine belsene aralasady dedi ol.

Soltústik Qazaqstan memlekettik ýnıversıtetiniń dosenti, zań ǵylymdarynyń kandıdaty Gúlbaqsha Mu­sa­baeva jergilikti tájirıbege súıene otyryp  «Qoǵamdyq kelisim men jalpyulttyq birliktiń qazaqstandyq úlgisin damytýdaǵy Qazaqstan halqy Assambleıasynyń róli» degen taqyrypta baıandama jasady. Ol qoǵamdyq tepe-teńdikti, saıası turaqtylyqty saq­taý, Memleket basshysy aı­qyn­dap bergen mindetter men maqsattar jolynda  jumyla eńbek etý ustanymdaryna ekpin túsirdi. «Barbang» kúrd­ter qaýymdastyǵy oblystyq fılıalynyń tóraǵasy Ra­shıd Nadırov tarıhı mańyz­dy qujat sanalatyn jol­daýlarda el birliginiń, jar­qyn bolashaǵymyzdyń damýy­na árkez basym basymdyq beri­letinin, bul oraıda jas býyn boıyna tarıhymyzdy, qundylyqtarymyzdy ulyqtaý, otandy súıý qasıet­terin uıalatýdyń mańyzdy­lyǵyn jetkizdi. «Kopernık» oblystyq polıak mádenı or­talyǵynyń tóraıymy Valen­tına Korneva óz oıyn Elba­synyń «Bolashaqqa baǵdar: rýhanı jańǵyrý» baǵdar­lamalyq maqalasynda aıtyl­ǵan qazaqstandyq patrıo­tızm máselesimen sabaqtas­t­yrdy. Kez kelgen halyq­tyń qýaty – onyń birli­ginde. Qazaqstan – etnosaralyq kelisim salasynda tájirıbesi mol, biregeılik pen birtektiliktiń qaı­talanbas modelin qalyp­tastyrýshy el. Bizdiń artyq­shylyǵymyz da, kúshimiz de – birtutastyǵymyzda. Son­dyqtan, osy bir azamattyq qaǵıdattardy odan ári nyǵaıtý «Máńgilik El» ıdeıasyna negizdelýi tıis, deı kelip, birlik pen kelisim murattaryn nasıhattaý jolynda uıym tarapynan atqarylǵan sharalar jaıly áńgimeledi.

О́mir ESQALI,
«Egemen Qazaqstan»

Soltústik Qazaqstan oblysy