Maqsatymyz – kómek kórsetý

Árıne, álemdik deńgeıdegi sharanyń basy-qasynda júretin jastardyń moınynda úlken jaýapkershilik bar. Erikti ataný úshin qoıylatyn talaptar da joǵary. 18 jasqa tolǵan azamat qazaq, orys, aǵylshyn jáne ózge shet tilderin bilýi kerek. Biraq, eń bastysy, kórmege úles qosýǵa ys­­tyq yqylas tanytý.

Erikti atqarǵan jumysy úshin materıaldyq paıda tappaıtyny belgili. Degenmen, elimizde túr­li sharalarǵa qatysyp, tegin jumys isteıtinderdiń qatary kóbeıip keledi.

Men Ońtústik Qazaqstan oblysy, Maqtaral aýdanynyń týmasymyn. Astana qa­lasynda ótip jatqan EKSPO-2017 ha­lyq­aralyq mamandandyrylǵan  kórmesiniń eriktisimin, ıaǵnı volontermin.  Meniń jasym 25-te. Tilderdi oqytý jáne damytý ortalyǵynda aǵylshyn tili muǵalimi bolyp jumys isteımin.

Men úshin erikti bolý de­ge­nimiz – jaqynyńa jár­demdesý, eli­­miz­diń damýyna tıtteı de bol­syn úles qosý. «Oń qolyń ber­gendi sol qolyń kórmesin», – deıdi ǵoı qazaq­ta. Qolyńnan kelip tur­ǵan isti jasaý biz sııaqty jas­tar úshin túk qıyn emes. Ja­ńadan dos-jaran, pikirles, suh­battas adamdardy tabýyń óz aldyna. Merekelik sharalarda elimizge tanymal tulǵalarmen til­desýge múmkindik bar. Men úshin bas qalamyzdyń kúnnen-kún­ge kór­keıý­ine kýáger bolýdyń ózi baqyt.

EKSPO-2017 halyqaralyq kór­mesi tarıhta qalatyndaı ót­ki­zilse degen armanym bar. Shet­eldik meımandar elimizdi jaqsy jaǵynan bilip qaıtsa deımin. Al biz senip tapsyrylatyn sharýalardy tııanaqty oryndaýdy mindet sanaımyz.

Basty mindetimiz – jár­dem­desý.

Nursáýle TEMIROVA,
Tilderdi oqytý jáne damytý ortalyǵynyń  aǵylshyn tili muǵalimi