Jyl basynan elorda turǵyndary men qonaqtary aýylsharýashylyq jármeńkelerden 12 myńnan astam azyq-túlik ónimin satyp aldy. Búginde 32 jármeńke ótkizilgen, degenmen óńirlerden tasymaldanyp jatqan azyq-túlik ónim kólemi selep artýda.
Máselen, aǵymdaǵy jyldyń naýryz aıynda nebary 300 tonnaǵa jýyq azyq-túlik ónimi satylsa,búginde astanalyqtar bir kelgende 1000-ǵa jýyq tonna azyq-túlik ónimin satyp alady. Aýylsharýashylyq basqarmasynan habarlanǵandaı, baqsha ónimderi, kókónis, jemis-jıdekter men qant ónimi elorda turǵyndarynyń joǵary suranysyna ıe.
«Qarbyz, qaýyn tez satylyp ketedi. Qazir «tosap» maýsymy bolǵandyqtan jemis-jıdekter, kókónister, qııar, qyzanaq, kartop tez satylady. Et ónimine suranys azaıdy», - dedi Aýylsharýshylyq basqarmasy azyq-túlik qaýipsizdigin qamtamasyz etý boıynsha bólimniń basshysy Rızagúl Múslimova.
Onyń sózine qaraǵanda, azyq-túlik ónimderi belgilengen ári bekitilgen baǵa boıynsha satylady. Saýdagerlerdiń baǵany qymbattatýǵa quqysy joq. Máselen, et ónimi ádette 1250 teńgeden satylady, al bazarlarda bul baǵa 1800-ge deıin jetedi.
«Biz azyq-túlik ónimin bekitilgen baǵa boıynsha satpaǵan kásipkerlerdi jazalaımyz. Baǵa naryqqa baılanysty qoıylady. Keı kezderi turǵyndar baǵa bazarlarda áldeqaıda tómen dep shyǵamdanyp jatady. Bul shyndyq, naryz zamany, saýdagerler óz satýshylaryn joǵatlyp almaýy úshin baǵany tómendetip ózdiginen retteıdi», - dedi Rızagúl Múslimova.
Aýylsharýashylyq basqarmasynan habarlan,andaı, tazalyq pen tártip arnaıy qyzmettiń kúndelikti baqylaýynda. Sanıtarlyq dárigerler barlyq azyq-túlik ónimin tekseredi.
О́ńiraralyq jármeńkeler Astanada qazan aıyna deıin ótkiziledi. Bul EKSPO kórmesi kezinde halyqty azyq-túlik ónimimen qamtamasyz etý maqsatynda jasalynady. Jármeńkeler «Qazaqstan» SK turaq aýmaǵynda jáne «Altaı» SO-da ótkizilýde.
