Ahmetbek Nursılanyń qatysyýmen oblys ortalyǵynda elimizdegi «Bıznes Bastaý» kásipkerlik mektebiniń fılıaly ashyldy. Jańasha mekteptiń alǵashqy ashylý rásimin ótkizgen kásipker kezdesý barysynda tabysqa jetýdiń qyr-syryn aıtyp berdi. Estaı atyndaǵy mádenıet saraıynda óz kásibin ashyp, odan ári jetildirýge nıet bildirgen turǵyndarǵa arnalǵan trenıng ótti.
Al bıznesmenniń aıtýynsha, kásipkerler mektebiniń ashylý maqsaty – shaǵyn jáne orta bıznesti damytý. Jalpy, oqytý baǵdarlamasy – sala tańdaý, jarnama mátinin qurastyrý, banner, saıt jasaý, saıt tehnıkasy, targetıng, satý óneri, beınerolık sııaqty birneshe kezeńderden turady. Mysaly, 60 kúnge sozylatyn «Alaman» kýrsynyń onlaın rejimindegi baǵasy 55 myń teńge.
Endi osy kásipkermen bolǵan bıznes kezdesýden keıin aıyna 40-45 myń teńge eńbekaqy alyp júrgen adamdardyń aıyna jarty mıllıon aqsha tabýlary da múmkin eken. О́ıtkeni olar qalaı mol tabysqa, kóp aqsha tabýdyń joldaryn úırenedi. Iаǵnı, árkimniń óz bıznesin damytý úshin eń bastysy erik-jiger men nıet, bilim kerek. Biraq, kýrsqa qatysýshylar qatary áli de azdaý. Ahmetbek Nursılanyń aıtýynsha, bizdiń oblysqa qaraǵanda elimizdiń Batys Qazaqstan, Qyzylorda, Astana, Ońtústik Qazaqstan óńirleriniń turǵyndary belsendilik tanytýda. Qatysýshylardyń az bolýy múmkin, óndiristi óńirde shoǵyrlanǵan irili-usaqty kásiporyndardyń kóptigi, jumys oryndarynyń deni zaýyttarda, kásiporyndarda bolǵandyqtan kópshilik turǵyndar óndiriste eńbek etedi.
Ahmetbek Nursıla kezinde Pavlodar qalasyndaǵy «Asyl aǵash» jıhaz jasaý fırmasynda qyzmet etken. Sol kezderi Italııa, Kanada, Amerıkanyń eriktilerimen baılanys ornatyp, kóp nárseni úırengenin de aıtyp ótti.
- Jalpy, bıznes mektebi adamnyń qarjysyz óz isin bastaýdy, durys ómir súrýdi, ýaqytty josparlaýdy úıretedi. Sodan soń adam óz komandasyn jınaıdy. Bıznes adamdarǵa paıda ákelý kerek, - deıdi kásipker
Farıda BYQAI,
«Egemen Qazaqstan»
