Jan-jaqty málimet berildi

Qazaqstan Respýblıkasy Parlamenti Májilisiniń Tóraǵasy Oral Muhamedjanov Eýropa Keńesiniń Bas hatshysy Týrborn Iаglandpen kezdesti, dep habarlady osy palatanyń baspasóz qyzmeti. Palata Tóraǵasy qalyptasqan baılanys týraly aıta kelip, Qa­zaqstan 2009-2011 jyldarǵa ar­­nal­ǵan «Eýropaǵa jol» baǵdar­la­masyn júzege asyryp jatqanyn tilge tıek etti. Onda memle­ke­ti­mizdiń ishki reformalaryn júzege asyrýdyń arqasynda eýropalyq standart­­tar­ǵa jaqyndatý jónin­degi strate­gııa­lyq jospary aı­qyn­dalǵan. O.Muhamedjanov óz sózinde meı­mannyń sapary el Táýelsiz­di­gi­niń 20 jyldyǵy qarsańyna sáı­kes kelip otyrǵanyn, osy kezeń ishinde Qazaqstan halyqaralyq deń­geıde Memleket basshysy N.Nazar­baev­tyń basshylyǵymen aı­tarlyqtaı tabysqa jetkenin aıt­ty. 1991 jy­ly 29 tamyz kúni El­basy Nursul­tan Nazarbaev «Semeı ıadrolyq sy­naq polıgonyn ja­bý týraly» tarıhı Jarlyqqa qol qoıdy. Bul ál­emdegi iri synaq aımaqtarynyń biri bolatyn. 2010 jyly sáýir aıynda Vashıngton qalasynda ıadrolyq qaý­ipsizdik jó­nindegi jahandyq Sammıtte Prezıdent N.Nazarbaev ıadrolyq qarýsyz álem dekla­ra­sııa­syn ázir­leý qajet ekeni, MAGATE sheń­be­rinde ıadrolyq otynnyń ha­lyq­ara­lyq bankin Qazaqstan aýma­ǵyn­da ornalastyrýǵa ázir ekeni jó­ninde usynys jasady. BUU Bas Assambleıasynyń 66-shy ses­sııa­syn­da sóılegen sózinde Prezıdent osy bastamasyn taǵy da jarııa etti, dedi Májilis Tóraǵasy. Májilis Tóraǵasy meımanǵa memleket saıasaty týraly jan-jaqty aıta kelip, Qazaqstan 2010 jyly TMD elderiniń arasynda birinshi bolyp EQYU-ǵa tóraǵa­lyq etkenin, bıyl Qazaqstan Islam Yntymaqtastyǵy Uıymyna jetekshilik etý jónindegi mańyz­dy mindetti óz qolyna alǵanyn má­limdedi. Kezdesý barysynda táý­elsiz Qazaqstannyń basty je­­tis­tikteriniń biri ulttararalyq jáne dinderaralyq kelisimge negizdelgen ishki turaqtylyq ekeni aıtyldy. Qazaqstan Respýblıka­synyń Tuń­­ǵysh Prezıdenti Nur­sul­tan Nazar­­baevtyń bastama­sy­men Astanada Álemdik jáne dás­túrli dinder kósh­basshylarynyń úsh ret sezi bolyp ótkeni, 2012 jyly tórtinshi sezi ótetini málimdeldi. Elimizdiń basqa ta­bystary da ataldy. Meıman óz kezeginde: «Qazaq­stan – biz úshin mańyzdy memleket. Biz Qazaqstandy turaqtylyq­tyń mekeni, ıadrolyq qarýsyzdaný jáne álemdi qaýipsizdikpen qamta­masyz etý bastamashysy dep bilemiz», – dedi. Kezdesý sońynda taraptar Qazaqstan men Eýropa Ke­ńesi arasyndaǵy ózara saıası yn­tymaqtastyq baılanys aldaǵy ýaqytta da joǵary deńgeıde damı beretinine senim bildirdi.