Konferensııadan kúter úmit kóp

«Iаdrosyz álem úshin» halyqaralyq konferensııasynyń túske deıingi májilisteriniń sońynda Qazaqstan Respýblı­­­ka­synyń Memlekettik hatshysy Qanat Saýdabaevtyń qatysýy­men jýrnalısterge arnalǵan baspasóz máslıhaty ótkizildi. Ony SIM-niń jaýapty qyzmetkeri Roman Vasılenko ashyp, alǵashqy sózdi Q.Saýdabaevqa berdi. – Qurmetti jýrnalıster, bas­pasóz konferensııasyna qatysý­shy­lar, dep bastady ol óziniń sózin. – Búgingi «Iаdrosyz álem úshin» halyqaralyq forýmynyń osydan 20 jyl buryn ıadrolyq polıgondy japqan, búkil álemde qýaty jóninen tórtinshi oryn­daǵy ıadrolyq áleýetinen óz erkimen bas tartqan Qazaqstanda ótip otyrǵandyǵynyń ózindik máni bar. Búgin bizdiń jas elimizge álem­niń kóptegen memleketterinen par­lamentarııler, saıası jáne memleket qaıratkerleri, ha­lyq­­aralyq uıymdar basshylary, ıad­rolyq qarýdy taratpaý jónin­degi dúnıe­júzilik úderisterdiń bel­sendileri kelip otyr. Bul forým Qazaqstan Prezıdenti Nur­sultan Nazar­ba­ev­tyń basta­ma­sy­men ótki­zilýde. Odan ári Q.Saýdabaev már­tebeli qonaqtar arasynan baspa­sóz más­lıhatyna MAGATE-niń Bas dı­rek­tory Iýkııa Ama­no­nyń, IаSJTShU atqarýshy hatshy­sy Tıbor Tot­­tyń, AQSh Ener­ge­tı­ka mınıs­tri­niń birinshi oryn­basary Denıel Ponemannyń kelip otyr­ǵa­nyn atap ótti. Búgingi forýmy­myzǵa álemniń kóptegen elderinen osyn­shalyqty bedeldi ókildiktiń kelýi dúnıe júzi qaý­ymdas­tyǵy­nyń biz­diń elimizdiń já­ne onyń Kósh­basshysynyń ǵa­lam­dyq qaý­ips­iz­dikti saqtaýǵa já­ne ıadrolyq qa­terdi azaıtýǵa qos­qan úlesine berilgen úlken baǵa dep esepteý kerek. Forýmdaǵy basty oqıǵa Prezıdent N.Na­zar­baevtyń osy jı­ynda sóıleýi boldy. Memleket basshy­synyń ıad­rosyz ál­emge je­tý­diń strate­gııa­lyq jol­da­ryn aı­qyn­da­ýy ıad­rolyq qarý­dy taratpaý qoz­ǵaly­syna naǵyz jol kar­ta­sy retinde qoldany­latyn bolady. Forýmdaǵy pikirtalastar ba­rysynda qatysýshylar adamzatty ıadrolyq qarýdan azat etýdiń, ıad­rolyq synaqtardan jáne ıadrolyq nysandardyń apattarynan zardap shekken aımaqtardaǵy áleýmettik-ekonomıkalyq jáne ekologııalyq problemalardy sheshýdiń ózekti máselelerin qarastyrady. Forým qorytyndysy boıynsha Astana deklarasııasy qabyldanady, deı kelip, Qanat Saýdabaev sóziniń sońynda: jalpy alǵanda, biz «Iаdrosyz álem úshin» halyq­ara­lyq forýmy adamzatqa paıdaly maqsattardy oryndaýǵa múmkin­dik berer degen úmittemiz, dep óziniń oıyn qorytty. Odan keıin MAGATE-niń Bas dırektory Iý.Amano jáne basqa­lary ózderiniń qysqa málimde­me­lerin jasady. Olardyń sózde­ri­niń bári Qazaqstannyń ıadrosyz álem qurý jolyndaǵy úderiske súbeli úles qosyp júrgendigin jáne onyń osy maqsattar jolyn­daǵy isteriniń mańyzyn atap ótý­ge saıdy. Osydan keıin baspasóz máslıhatyna qatysýshylar jýr­na­lısterdiń kóptegen suraqta­ry­na jaýap berdi. Sonyń ishinde ıadrolyq qýatty beıbit maqsatqa paıdalaný jóninde MAGATE bas­shysyna kóptegen suraqtar qoı­yldy. Iаdrolyq qýatty qoldana bastaǵan elderdiń bárin qarý jasap jatyr degen kúdiktiń qaıdan shyǵatynyna jaýap berýdi ótingen suraqtar kóp boldy. Máselen, Irannyń ıadrolyq qýatty paı­da­lanýǵa qarsy álem qaýymdas­ty­ǵyn qarsy qoıýdyń negizi bar ma degen saýal qoıyldy. Oǵan MAGATE basshysy Irannyń uzaq ýaqyt boıy uıymmen yntymaq­ta­sýdan bas tartqandyǵy jáne bas­qa da sebepter bolǵanyn aıtty. Jalpy, biz ıadrolyq qýatty beıbit maqsatqa bizben yntymaqtasa otyryp paıdalanýdy qoldaımyz, dedi Bas dırektor. «Egemen-aqparat».