KHDR áreketin aıyptaıdy

«KHDR zymyrandyq jáne ıadrolyq baǵdarlamalary barlyq múddeli ta­rap­tarǵa kelissózder prosesin jedel qalpyna keltirý jolymen ózara qo­laı­ly sheshimdi izdestirý jónindegi birles­ken kúsh-jigerdi jandandyrý qajet­tigin talap etedi. Qazaqstandyq dıplo­matııa prob­lemany kúshpen emes, únqa­tysý arqyly ǵana sheship, qalyptas­qan jaǵdaıdan shyǵýǵa bolady dep esepteıdi», delingen málimdemede. 

BUU-nyń Qaýipsizdik Keńesi otyrys­ta KHDR-dyń BUU QK barlyq tıisti qa­rarlaryn buzyp, ıadrolyq baǵ­dar­lamany iske asyrýdy jalǵastyrýyna jaýap retinde oǵan qatysty jańa qarardy bir­aýyzdan qabyldady. 2 371-qarar (2017) ballıstıkalyq zymyrandy synaýǵa jaýap retinde qoldanylatyn eń qatań sanksııalardy qamtıdy. Bul sharalar Soltústik Koreıanyń negizgi eksportyna baǵyttalady, ol kómirdiń (Soltústik Ko­reıanyń syrtqy túsiminiń asa iri kózi), temir rýdasynyń, qorǵasynnyń, qor­ǵasyn rýdasynyń jáne teńiz ónimderiniń eksportyna tolyq tyıym salady. Budan basqa, atalǵan qarar BUU QK-niń buǵan deıin qabyldaǵan qararlaryn buzýǵa qa­tysy bar KHDR-dyń jeke jáne zań­dy tulǵalarynyń sanksııalyq tizimin keńeı­tedi.
Buryn-sońdy bolyp kórmegen sank­sııalyq sharalar Soltústik Koreıanyń ıadrolyq baǵdarlamasyn damytýdy jal­ǵastyrýǵa arnalǵan qarjylyq múm­kin­dikterdi shekteý maqsatynda onyń valıý­ta­lyq kirisin qysqartýǵa da (shamamen úshten birine) arnalady.