Sýret: dezeen.com
«Búginge deıin «EKSPO-2017» kórmesine óńirlerden 57 913 bala keldi. Endi kórme aıaqtalǵanǵa deıin 15-20 oqýshy keledi dep kútilýde. Sonymen qatar Bilim basqarmasy balalardy qarsy alý, úılerine shyǵaryp salý, eki kúndik ystyq tamaqpen, jataqhanamen qamtamasyz etý sharalaryn qamtyp otyr»,-dedi Astana qalasy Bilim basqarmasy kámeletke tolmaǵandardyń quqyqtaryn qorǵaý bóliminiń basshysy Lázzat Orynbasarova.
Onyń sózine qaraǵanda, EKSPO bastalǵaly balalarǵa qatysty eshqandaı tótenshe jaǵdaılar oryn alǵan joq.
Atap atqanda, aımaqtardan kelgen balalar úshin Astanada eki kúndik baǵdarlama qarastyrylǵan. Oqýshylar birinshi kúnin EKSPO kórmesimen tanysýǵa arnasa, ekinshi kúninde elordanyń ásem jerlerin aralaıdy.
Esterińizge sala keteıik, «Báıterek» monýmenti kúrdeli jóndeýden keıin 17 maýsymda qaıta ashylǵan bolatyn. Elordanyń jańartylǵan sımvoly tek qazaqstandyqtardyń ǵana emes, sondaı-aq týrısterdiń de qyzyǵa baratyn jerine aınaldy. Tańnyń atysynan keshtiń batysyna deıin elordanyń basty sımvolyn qyzyqtaýǵa keletin adamdardyń qarasy kóp, uzyn-sonar kezek baıqalýda. Olardyń arasynda óńirlerden kelgen mektep oqýshylary da kóptep kezdesedi.
