Kúz sońyna deıin astanalyq 4kópqabatty úıde 23 lıfti aýystyrylady, dep málimdedi «О́rken qala» JShS bólim basshysy Bolat Túgelbaev.
Jańa lıftiler kelesi meken jaılar boıynsha ornatylady:
Dúkenuly, 3 8 kóshesi, («Shańyraq» TK, 8 lıft), Saryarqa,41 kóshesi, («Mahabbat 1» TK, «Mahabbat 2» TK, 10 lıft), B.Momyshuly,16 kóshesi (4 lıft), Kenesary, 65 kóshesi, («Edem Palas» TK,1 lıft). Negizinen bul úıler jańadan salynǵan, 10-15 jyl buryn boı kótergen. Merdigerlermen arada týyndaǵan problemalardan keıin, sondaı-aq kóptegen shaǵymdardyń túsýine baılanysty, turǵyndar úshin qaýipti, apatty, kótermelerdiń jaǵdaıy máz bolmaǵandyqtan Astana ákimdigi lıftilerdi almastyrýǵa kómektesti.
-Qazir qujattardy rásimdeý jumystary júrgizilýde, kelisimsharttar jasalýda. Bul úılerge sý jańa jedelsatylar qoıylady. Jospar boıynsha qazan aıyna deıin jumystar aıaqtalady. Turǵyndar aldaǵy ýaqytta burynǵydaı qyzmet úshin ǵana aqsha tóleıdi, - dedi B.Túgelbaev.
Budan bólek Astanada aımaqtardy 2020 jylǵa deıin damytý baǵdarlamasy aıasynda jolaýshylar lıftisin aýystyrý boıynsha jumystar júrgizilýde. 2011 jyldan beri baǵdarlama júzege asqannan bastap 56 lıft paıdalanýǵa berilgen. Búgingi tańda elordada kópqabatty úılerde 4324 lıft jumys isteıdi. Olardyń keıbirine ornatylǵanyna 25 jyl ıaǵnı paıdalaný merziminen asqan.
-2011 jyldan beri biz 56 lıft aýystyrdyq. Qazir 63 jedelsaty boıynsha jobalyq-smetalyq qujattar ázirleý jáne uıymdastyrý jumystary júrgizilýde, - dedi «О́rken qala» JShS mamany Serik Tuıamashev.
Lıftilerdi jańǵyrtý turǵyndardyń jalpy jıynynyń sheshimi negizinde júzege asyrylady. Sodan keıin baryp qujattar Astana qalasynyń turǵyn úı ınspeksııany tapsyrylady. Páter ıeleri ózderi smetalyq qujatty bekitedi, merdiger kompanııany tańdaıdy, sonymen qatar jumystardy qabyldaýǵa qatysady. Eger memleketten 15 jylǵa qaryz alsa, ortasha eseppen bir páter 2 myń teńgege jýyq aqsha tóleıdi. Mamandar bul soma óspeıtinine nazar aýdartady.
Esterińizge salamyz, Astanada lıftilerdiń úzilip ketý jaǵdaılary osy jyldyń kókteminde bolǵan-dy. Mysaly, bir apat «Edem Palas» TK-de oryn aldy. Ol kezde kóterý satysy birneshe qabatqa tómen quldılaǵan edi, adamdardy qutqarýshylar alyp shyqty. Sodan keıin Astana ákimi Áset Isekeshev qalanyń barlyq lıft sharýashylyǵyn tekserýdi mindettedi, sonymen qatar tártipke keltirý boıynsha keshendi sharalar júrgizýdi júktedi.
- Lıftilerdi aýystyrý jáne jóndeý jumystary boıynsha kestemen lıft reestirin jandandyrý qajet. Isten shyqqan 63 lıfti boıynsha «Aımaqtardy damytý» baǵdarlamasy aıasynda kelesi mehanızmder boıynsha: 70 paıyz nesıe, 30 paıyz – lıft kompanııalary memlekettik-jeke seriktestik boıynsha qarajat bólýdi qarastyrý. Paıdalanýǵa berilmeı qalǵan 23 lıft boıynsha saraptama júrgizip, olardy ornatýǵa qarajat bóliý múmkindigin qarastyrý qajet, - dedi Astana ákimi jınalysta.
