«Qazgıdromettiń» habarlaýynsha aldaǵy úsh táýlikte elimizdiń ońtústiginde naızaǵaıly jańbyr jaýyp, jel kúsheıedi. 11-12 tamyz kúnderi Jambyl oblysynyń keı jerlerinde naızaǵaı, tuman, burshaq jaýýy, daýyl soǵýy yqtımal, batys, soltústik-batystan soǵatyn jel soltústik-shyǵys jeline aýysady, jeldiń kúshi 23-28 m/s-qa kúsheıýi múmkin. Qyzylordaoblysynyń keı jerlerinde soltústikten, soltústik-shyǵystan soqqan jel 15-20 m/s-qa kúsheıip, shańdy daýyl soǵady. Temperatýralyq fonǵa jáne jańbyrdyń jaýýyna baılanysty Almaty oblysynyń taýlarynda sel júrý qaýipi bar.
Elimizdiń shyǵysy men batysynda da aýa raıy qubylmaly bolady. Atap aıtqanda, Shyǵys Qazaqstan oblysynyń keı aýmaǵynda nóser jaýyp, naızaǵaı oınaıdy, burshaq jaýýy da múmkin. Jel kúsheıip, 23-28 m/s-qa deıin jetedi. О́skemen qalasyndaǵy jeldiń kúshi 15-20 m/s bolady. Al Mańǵystaý oblysynyń keı jerlerinde naızaǵaı jarqyldap, burshaq jaýady dep boljanýda. Jel soltústikten, soltústik-shyǵys baǵyttan soǵyp, 15-20 m/s-qa jetedi. Aqtaý qalasynda soltústik jáne soltústik-shyǵystan soqqan jeldiń kúshi 18 m/s bolady.
