Erler densaýlyǵyna erekshe nazar qajet

Burnaǵy kúni Astanadaǵy Ulttyq baspasóz klýbynda eli­miz­diń bas ýrology Myrzakárim Alshynbaev, medısına ǵylym­dary­nyń doktory, kardıolog Dýlat Polymbetov, Almaty dárigerler bilimderin jetildirý ınstıtýty endokrınologııa kafedrasynyń professory Mıhaıl Zelser Astana qala­syndaǵy respýb­lıka­lyq dıagnostıkalyq ortalyqta ótip jatqan «Erler densaý­lyǵy kúnderi» sharasy aıasynda baspasóz máslıhatyn ótkizdi. «Erler densaýlyǵy kúnderi» is-sharasy aıasynda erler men ul balalar ýrologııalyq, júrek-qan tamyrlary jáne endokrınologııalyq aýrýlar boıynsha Astanadaǵy respýblıkalyq dıagnostıkalyq orta­lyq­ta atalmysh professorlardan tegin keńester alýda. Shara el Úki­meti­niń bas­ty máseleleriniń biri – halyqtyń ómirin uzartýǵa baılanysty ótkizi­lip otyr. О́kinishke oraı, el aýmaǵyndaǵy erler ortasha eseppen áıel­der­ge qaraǵanda 12 jylǵa qysqa ómir súretin kórinedi. Bul kóbi­ne­se, syr­qat er adamdardyń medısına kómegine óte kesh júgine­tininiń ná­tı­je­si ekenin aıtqan jón. Iаǵnı, zamanaýı dıagnostıka arqyly aýrýyn anyqtap, ómir sapasyn jaqsartýǵa erkekterdiń ózi qulyqsyz kórinedi, ıá, er azamattar aýrýlaryn ábden asqyntyp, sońǵy stadııa­synda kelip, ábden tıtyqtaǵansha júre beredi. Myrzakárim Alshyn­baevtyń pikirinshe, medısınalyq kómek máselesine kelgende elimizdegi erkekter psı­hologııasyn túbegeıli ózgertýimiz kerek kórinedi. «Memleketimizde ana men bala densaýlyǵyn qoldaýǵa baǵyttalǵan kóptegen memlekettik baǵ­darlamalar bar da, erler densaýlyǵyna baılanysty bir de bir baǵ­dar­lama qabyldanbaǵan. Barlyǵyna kelgende qarjy tabylady, al erkekter densaýlyǵyna qarajat bólmeıdi. Bul máseleni biz 2008 jyldan beri kóterip kelemiz, ázirshe seńniń buzylatyn túri joq», – deıdi professor. Ýrologııa ǵylymı ortalyǵy Qazaqstannyń barlyq aýmaq­taryn­da ótkizilgen is-sharalardy qorytyndylaı kele, erler arasynda erek­tıldi dısfýnksııanyń, adenoma, prostatıt, búırek tastary aýrý­lary kóp taralǵanyn anyqtap otyr. Sonymen qatar, tabıǵı zańdylyqtar men aýa-raıyn baılanysty ońtústik jáne batys aı­maq­tarda ómir súretin erler arasynda búırek pen búırek tastary sekildi aýrý túrleri kóp taralsa, soltústik pen shyǵys aımaq­tardaǵy salqyn aýa-raıynyń áserinen olarda qabyný aýrýlary jıi kezdesedi eken. Baspasóz máslıhatynda medısınalyq kómekke erte júginý jóninde erler arasynda aǵartýshylyq jumystaryn ótkizý qajettiligi kó­terildi. Sonymen qatar, máslıhatty uıymdastyrýshylar bolashaqta elordada erler densaýlyǵyn qaraıtyn, júrek-qan tamyrlary, ýrologııa jáne basqa da er adamdar jıi shaldyǵatyn aýrý túrlerin emdeıtin ámbebap ortalyq ashý týraly josparlarymen bólisti. Venera TÚGELBAI.