Shekarada quryqtalǵan

Qazaqstan Respýblıkasy Ult­tyq qaýipsizdik komıtetiniń Shekara qyzmeti shekaralyq keńis­tik­te barlyq azamattyq jáne zańdy tulǵalardyń, onyń ishinde shetel azamattarynyń halyqaralyq shar­t­­tardy saq­taý­laryna kún sa­ıyn baqylaý jasaý jolymen Qa­zaqstan Res­pýblıkasy Memlekettik shekara­synyń kúzetin júzege asyrady. Kún saıyn shekaralyq keńistikte 70-ten 100-ge deıin Qa­zaq­stan Respýblıkasy Memlekettik shek­ara­syn buzýshylar ustalady. Osy­laısha, 2011 jylǵy 9 aıda eli­mizdiń jáne shektes mem­leket­terdiń 1000-ǵa jýyq aza­mattary ustaldy. Qazaqstandyq shekarashylar quqyq qorǵaý organdarymen jáne tabıǵat qorǵaý vedomstvolarymen árekettese otyryp, Kaspıı teńi­zi­niń aıdyndarynda brakonerliktiń jolyn kesý jáne júzýdiń qolaıly rejimin saqtaý boıynsha shara­lar­ǵa belsendi qatysady. Jyl basynan beri Memlekettik shekaradaǵy ártúrli quqyq buzýshylyqtary úshin – 1125 adam jalpy somasy 10 909 421 teńgege  ákimshilik jaýapkershilikke tar­tyldy. Qazaqstan Respýblı­kasy­nyń UQK Shekara qyzmeti esirtkilik zattardy alyp ótý­diń 118 jaǵ­daıynyń jolyn kesti. Ustal­ǵan esirtkilerdiń jalpy salmaǵy 430 kılogramnan asty. Onyń ishinde geroın – 90 kılogramnan astam, nasha – 23 kılogramnan astam, marıhýana – 323 kılogramnan astam. 12 gektar qarasora plan­ta­sııasy jo­ıyldy. Memleket kirisine 157 mln. teńge qara­jat qaıtaryldy. Nurbek JAQANOV, QR UQK shekara qyzmetiniń qyzmetkeri.