BUU Bas hatshysy Pan Gı Mýnnyń «Iаdrocyz álem úshin» halyqaralyq forýmyna qatysýshylarǵa
JOLDAÝY
Nıý-Iork, 2011 jylǵy 12 qazan Joǵary mártebeli Nursultan Nazarbaev, qurmetti mınıstrler, qurmetti qonaqtar, hanymdar men myrzalar! Eń aldymen Prezıdent Nazarbaevqa ózimniń alǵysymdy bildirýge ruqsat etińizder. Bul basqosý Qazaqstan basshysynyń álemdik ıadrolyq qarýsyzdaný salasyndaǵy kóshbasshylyǵynyń taǵy bir mysaly bolyp tabylady. Joǵary mártebeliler jáne qurmetti qonaqtar! О́zimniń byltyrǵy jylǵy Semeıge barǵan saparymdy eshqashan umytpaımyn. Bul jer ondaǵan jyldar boıy «qyrǵı-qabaq soǵystyń» epısentri boldy. Sizdiń 20 jyl buryn qabyldaǵan batyl sheshimińizdiń arqasynda ǵana Semeı jerinde úmittiń oty mazdady. Jáne bul mysal barlyq ıadrolyq synaqtardyń túpkilikti aıaqtalýdyń úmitine aınaldy. Ol álemdi ıadrolyq qarýdan azat etý úmitin oıatty. Osydan úsh jyl buryn men ıadrolyq qarýsyzdaný men taratpaý boıynsha bes tarmaqtan turatyn jospar usyndym. Qazir oǵan degen talpynys búkil álem sheńberinde óristep keledi. Bul iste bılik pen azamattyq qoǵam toptary ózara úılesimdi jumys atqarýda. Biz bul jumysty odan ári jalǵastyrýymyz qajet. Iаdrolyq qarýdyń jantúrshigerlik qaýpin bárimiz bilemiz. Qaýip-qaterden saqtaný úshin qarýdy joıý kerek ekenin de bilemiz. Ilgerileýshilikke qol jetkizý – jahandyq yntymaqtastyqqa baılanysty. Osy oraıda Astana forýmy sheshýshi mánge ıe bolar degen úmittemin. Men onyń jalǵasyn tapqanyn qalaımyn jáne óz tarapymnan tolyq qoldaý kórsetetinimdi bildiremin. Bárimiz birge keleshek urpaq úshin ıadrolyq qarý-jaraqtan azat álemge qaraı óteıik. ____________________AQSh Prezıdenti Barak Obamanyń «Iаdrosyz álem úshin» atty Astana forýmyna qatysýshylarǵa
JOLDAÝY
Vashıngton, Aq úı, 2011 jylǵy 10 qazan Iаdrolyq qarýsyz álem úshin halyqaralyq konferensııanyń barlyq qatysýshylarynyń jumystaryna sáttilik tileımin. Semeı ıadrolyq synaq polıgonynyń jabylýyna 20 jyl tolýyna oraı Qazaqstan Respýblıkasyna jáne Prezıdent Nursultan Nazarbaevqa bolashaq ıadrolyq qarýdy azaıtý jáne taratpaý isiniń negizin qalaýǵa kómektesken osyndaı tarıhı sheshimdi qabyldaǵany úshin óz rızashylyǵymdy bildiremin. Bul rásim – ıadrolyq qarý synaqtaryn ótkizýdi toqtatý álem qaýymdastyǵy úshin eń negizgi basymdyq retinde qala berýge mindetti ekendigin esterimizge salady. Amerıka Qurama Shtattary men Qazaqstan jıyrma jylǵa jýyq ýaqyt boıy bıologııalyq qarýdan qorǵaný jáne ony joıý úshin birlesip jumys atqaryp keldi. Bizdiń yntymaqtastyǵymyz elderimizdiń ortaq jaýapkershilikti qabyldaýǵa jáne ortaq problemaǵa tótep berýde birigýdiń aıǵaǵy bolyp tabylady. Osyndaı dárejedegi yntymaqtastyq bıylǵy jeltoqsanda bolatyn «Bıologııalyq jáne toksındik qarýlar boıynsha konvensııanyń» 7-shi sholý konferensııasy barysynda kórsetiletinine úmit artamyn. Qazaqstan uzaq ýaqyt boıy ıadrolyq qarýdy taratpaý men ıadrolyq qaýipsizdik salasynyń lıderi jáne Amerıka Qurama Shtattarynyń dosy bolyp keledi. Osy saladaǵy birlesken jobalarymyzdyń jalǵasýyn asyǵa kútemin.
