«Taza bolsa tabıǵat – aman bolar adamzat»

atty Qazaqstan Respýblıkasy Premer-Mınıstriniń dıplomyna respýblıkalyq konkýrsy óz máresine jetti Táýelsizdik – kıeli uǵym jáne ekiniń birine buıyra bermeıtin baq. Onyń qazaqstandyqtar uǵy­mynda qalyptasqanyna bıyl 20 jyl. Egemendigi men táýelsizdigi týy astynda Qazaqstannyń jıyr­ma jyl ishinde damý joly El­basy saıasatynyń durys ekendigin dáleldedi. Qazaqstan Respýblı­kasy halqynyń óz táýelsizdigin saqtaýǵa, nyǵaıtýǵa beliniń bekemdigin tanytty. Adamdary­myz­dyń úlkenderiniń de, kishileriniń de, jastarymyzdyń da óz bola­shaǵyna degen senimderiniń zor ekendigin olardyń búgingi bet alysy, kelbeti kórsetip otyr. Iá, ata-babalarymyz san ǵa­syrlar boıy armandaǵan Táýel­sizdigimizge osy kúni qol jetkizdik, endi el tuǵyryn myqtap us­tap, onyń sharyqtaýyna bolashaq jastardyń yqpal etýi biz úshin úlken senim. Osy turǵyda Táýel­sizdigimizdiń 20 jyldyǵyn toı­laý­ǵa oraılastyrylyp, Qazaq­stan Respýblıkasynyń Qorshaǵan ortany qorǵaý mınıstrligimen uıymdastyrylǵan «Taza bolsa tabıǵat – aman bolar adamzat» atty Qazaqstan Respýblıkasy Premer-Mınıstriniń dıplo­my­na respýblıkalyq konkýrsy búginde óz máresine jetti. «Úzdik sýret», «Úzdik taq­paq», «Úzdik maqala», «Úzdik  beı­netúsirilim», «Úzdik áńgime», «Úzdik zertteý jumysy», «Úzdik fotosýret», «Úzdik beınefılm», «Úzdik sáýlet jumysy» atty 9 nomınasııa boıyn­sha ótki­zilgen konkýrsqa Qazaqstannyń 5040 jalpy bilim berý mektepterinen 4379 oqýshy qatysyp, 5641 shyǵarmashylyq jumystar usy­nyldy. Komıssııa múshelerimen shyǵarmashylyq týyndylarǵa baǵalaý júrgizilip, 63 jeńimpaz anyqtaldy. «El men jerdi qurmetteý – azamattyq paryz» degendeı, mektep oqýshylary ózderin jan-jaqty qyrynan kórsetip, búgingi eldiń jastary bilimdi, jigeri men súıispenshiligi zor, ári qoǵamnyń damýyna ún qosatyn talapshyl ekendigine osy konkýrs barysyn­da bizdiń kózimiz ábden jetti. Aýyz toltyryp maqtanarlyqqa turarlyqtaı týyndylar barshy­lyq eken. Qazirgi ýaqytta, Qazaqstan Táýel­siz­diginiń 20 jyldy­ǵyna ar­nalǵan oqý­shylardyń úzdik shy­ǵarmashylyq tý­yn­­dylarynyń ki­tap-jınaǵyn shyǵarý boıynsha ju­mystar júr­gizi­lýde. Al konkýrs jeńimpaz­da­ryn sal­tanatty túrde ma­rapat­taý is-sharasyn Astana qala­synda ústimizdegi jyldyń jel­toqsan aıynda ótkizý jospar­lanyp otyr. «Táýelsizdik – bizdiń aldy­myzdan jarqyn bolashaqqa jol ashyp berdi. Biz sol joldan eshqaıda bultarmaı, alǵa basa beremiz», – degen Elbasynyń al­tyn sózi óskeleń urpaq úshin óne­gege toly. Babalardyń dana­lyq dástúrin, aǵa urpaqtyń izgi jolyn jalǵastyrý, qıyndyq ataýlyny jeńe bilý, halyq ıgiligi úshin aıanbaı eńbek etý qasıetterin qaltqysyz saqtaý – búgingi býynnyń berik ustanar qaǵıdaty bolýǵa tıis. Qazaqstan Respýblıkasy Táýel­­sizdiginiń 20 jyldyǵy qarsańy­nda uıymdastyrylǵan osyndaı konkýrs elimizdiń jas jetkinshekterine jasalǵan tamasha tartý boldy. Elimizdiń ekologııalyq máse­lelerin kóteretin, jastardy bir­lik pen bilimge, táýelsiz eli­mizdiń dáýletin quraıtyn mol yrysqa aınaldyratyn ekolo­gııalyq bilim berý jónindegi mundaı konkýrstar aldaǵy ýaqytta da jalǵasyn taba beredi. Qazaq úshin ońynan týǵan jańa ǵasyrda dostyq pen jarastyqtyń, ornyqtylyq pen kelisimniń, jasampazdyq pen bolashaqqa degen zor senimniń bar júgin arqalaıtyn bilimdi jastarymyz kóbeıe bersin demekpin! Ǵalııa KÁRIBJANOVA, Qorshaǵan ortany qorǵaý mınıstrligi Ekologııalyq saıasat jáne ornyqty damý departamentiniń dırektory.