Oraıyna kelgen ońdy ister

«Qalaýyn tapsa, qar janady», dep jatady halqymyz. Abaı aýda­nyn­da Elbasymyzdyń tikeleı tap­syrmasymen júzege asyrylyp jat­qan «Jumyspen qamtý – 2020» baǵdarlamasy aıasynda jumys­syz­dardy, óz betinshe jumyspen aı­nalysýshylardy, tabysy tómen adamdardy oqytý jáne olardyń jumysqa ornalasýyna járdem­desý baǵytynda júıeli jumystar atqarylýda. Estip, bilýimizshe, aýdan ákimi Tursynǵazy Músápirbekov osy maqsatpen oblystyq bilim, áleý­mettik qorǵaý jáne jumyspen qamtamasyz etý basqarmalarymen ózara kelisim arqyly basqa aýdandarda ıgerilmeı jatqan qarjy esebinen ózderinde qysqa merzimdi kýrstar ashýǵa qol jetkizipti. Sonyń nátıjesinde bıylǵy jańa oqý jylynan bastap aýdandaǵy №24 kásiptik lıseıde veterınar-operator mamandyǵy boıynsha 3 jáne 10 aılyq kýrstar ashylǵan kórinedi. Olarda 50 oqýshy bilim alýda. Kýrs oqýshylary 12 myń teńge kóleminde shákirtaqy jáne bir mezgil tegin tamaqpen qamtamasyz etilgen. Kýrsty bitirgenderge ar­naıy kýálik berilmek. Olardy oqy­tý úshin eki muǵalim bólinip otyr. Munyń syrtynda jıyrma shaq­­ty jas Semeıge túrli kýrs­tarǵa oqýǵa jiberilipti. Olar qazirde aýyldy jerde taptyr­maıtyn dánekerleýshi, santehnık, slesar, aspaz, is qaǵaz­daryn júrgizýshi mamandyq­taryn meńgerip jatyr. Muny da ońdy is dep bilemiz. Atalǵan aýdanda osyndaı ıgilikti sharalarmen birge, kásipker­likti damytý maqsatynda ájep­táýir mólsherde shaǵyn nesıe alýǵa qol jetkizilipti. Ol keminde alpys shaqty adamǵa tara­tyl­maq. Bul da jumyspen qam­ta­masyz etý baǵdarlamasy negizinde atqarylyp jatqan ıgi sha­rýanyń bir parasy bolyp taby­lady. «Izdengen jeter muratqa» degendeı, osyndaı-osyndaı ıgi talpynysty quptamasqa bol­maıdy. Dáýlet SEISENULY. Shyǵys Qazaqstan oblysy.