Budan buryn tabıǵı apattan 64 adamnyń qaza bolǵany, onyń ishinde jeksenbi kúni Hımachal-Pradesh shtatynda laı kóshkini saldarynan 48 adamnyń ajal qushqany habarlanǵan bolatyn.
Úndistannyń tótenshe jaǵdaılar jónindegi ulttyq basqarmasynyń sońǵy derekterine sáıkes, Assam shtatynda apat saldarynan 20 adam kóz jumǵan. 183 myń adam shatyrly qalashyqtarda bas saýǵalaýda.
Sondaı-aq Bıhar shtatynda tabıǵı apat qurbandarynyń sany kúrt ósti. Aımaqta sońǵy eki kúnde sý tasqyny saldarynan 41 adam qaza bolǵan. Ártúrli derekterge sáıkes, Ýttarakhand shtatynda laı kóshkini kezinde 25 adam mert boldy.
О́tken aptanyń sońynda Úndistannyń soltústiginde, Nepal men Bangladeshte jaýǵan nóserli jańbyr sońy sý tasqynyna ulasty. Nepalda apat saldarynan 91 adam qaza taýyp, 38-i iz-tússiz joǵalǵan. Al Bangladeshte 28 adam mert bolǵan. Osylaısha, óńirde tabıǵı apattan keminde 225 adam kóz jumdy.
Aıta keteıik, Úndistanda jyl saıyn adam shyǵynyna sebep bolatyn eń qaýipti tabıǵı apattardyń biri – sý tasqyny. Bıylǵy qańtar aıynda eldiń meteorologııa departamenti 2016 jyly qolaısyz aýa raıy men tabıǵı apat saldarynan 1,6 myńǵa jýyq adam qaza bolǵanyn habarlady. Olardyń basym bóligi – 700-ge jýyǵy aptap ystyqtan qaıtys bolǵan. Adam shyǵyny jaǵynan ekinshi orynda sý tasqyny tur – 475 adam kóz jumǵan.
