Aýyldaǵy qus fermasy

Halyq eńbektiń qadi­rin túsinip, eshkimge qol jaımaıtyndaı tirlik keshýde. Biri mal, biri kási­bin ashsa, endi biri qus ósi­rýdi qolǵa alǵan. Áı­teýir, qol qýsyryp qa­rap otyrýdan aýlaq. Má­se­len, Panfılov aýda­nyn­­daǵy «Kárim» sharýa qo­jalyǵy úırek ósirip, onyń etin óndirýdi qolǵa alypty. Qojalyqta qa­zirdiń ózinde 70 myńǵa jýyq úırek baǵylýda. Inkýbatorlardan aıyna 48 myń balapan shyǵa­ry­lady. Qondyrǵy to­lyq avtomattandy­ryl­ǵan. Jańa shyqqan balapandar arnaıy kameralarda qanaty qataıǵan­sha 2-3 táýlik bolady. Dári-dármek egilgen soń balapandar arnaıy fer­malarǵa bólinedi. – Qazir et qymbat­tap, tutynýshy sura­ny­syn qanaǵattandyrý min­deti tur. Osyny eskerip, úırek fermasyn qur­dym. Qus etiniń qýaty mol, ári jeńil taǵam. Ba­ǵasy qymbat emes, kı­losy – 500 teńge. Bola­shaqta ónimderimizdi eli­mizdiń barlyq qalala­ryna shy­ǵarýmen qatar ózge elderge eksport­taý­dy da josparlap otyr­myz, – deıdi «Kárim» sha­rýa qo­jalyǵynyń bas­­­shy­sy Ǵazız Sýfıanov. Qojalyqtaǵy ár bó­lim­shedegi 6-7 myń úı­rektiń jem-shóbi men sýyn jumysshylar ýa­qy­tyly beredi, kútedi. Jumysshylarǵa arna­lyp, úı salynýda. Aı­lyqtary shamamen 100 myń teńgeden asady eken. Sodan bolar ju­mys­shylar osynda tu­raq­tap qalýǵa múddeli. Búginde sharýa qoja­ly­ǵy ǵylymı-zertteý or­talyqtarymen de birlese jumys jasap, bola­shaqta úırektiń qazaq­standyq tuqymyn shy­ǵarýdy alǵa qoıǵan. Aýdanda qus sharýa­shylyǵy endi-endi da­myp keledi. Úkimet ta­ra­pynan salaǵa qoldaý jasalyp, kóńil bó­li­ný­de. «QazAgroQarjy» AQ sharýa qojalyǵyna 90 mıllıon teńge nesıelik qarjy qarastyrǵan. Ujym onyń 60 mln. teńgesin alypty. Endi Qytaıdan qajetti qu­ral-jabdyq ákelip, jos­parly jumystaryn jal­ǵastyrmaqshy. Jyl sońyna deıin sha­rýa qojalyǵy 200 myń tonna úırek etin satýdy josparlap otyr. Jańa qondyrǵylar or­na­tylǵanda bul kórset­kish eselep artady. Qa­zir sharýashylyqta 3 myńnan astam úırek bol­sa, aldaǵy jyly onyń sanyn 2 esege arttyrý kózdelip, ujym múshe­leri qusty dárigerlik talaptarǵa saı baptap, kútýdi jaqsarta túsken. Kúmisjan BAIJAN. Almaty oblysy.