Senattyń bıýro otyrysy boldy

Keshe Qaırat Mámıdiń tóraǵalyq etýimen Parlament Senatynyń bıýro otyrysy boldy. Onda Parlament Májilisinde maquldanǵan zań jobalary komıtetter men Senat Apparatyna berildi, dep habarlady Senattyń baspasóz qyzmeti. «Qazaqstan Respýblıkasynyń keıbir zańnamalyq aktilerine memlekettik jáne bıýdjettik josparlaý jónindegi ókiletti organdar quziretteriniń arajigin ashý jáne bıýdjet prosesterin jetildirý máseleleri boıynsha ózgerister men tolyqtyrýlar engizý týraly», «2012-2014 jyldarǵa arnalǵan respýblıkalyq bıýdjet týra­ly» jáne «Qazaqstan Respýblıkasynyń Ulttyq qorynan 2012-2014 jyldarǵa arnalǵan kepildendirilgen transfertter týraly» zań jobalary Qarjy jáne bıýdjet komıtetine berildi. Sondaı-aq, bıýro otyrysynda bıylǵy 20 qa­zanda bolatyn Senattyń kezekti jalpy otyry­sy­nyń kún tártibi qaraldy. Atap aıtqanda, oty­rys­ta «2007 jylǵy 6 qazandaǵy Keden odaǵynyń ko­mıs­sııasy týraly  shartqa ózgerister men tolyq­tyrýlar engizý týraly hattamany ratıfıkasııalaý týraly» zań jobasyn qaraý josparlanyp otyr. Depýtattar talqylaýyna «Notarıat týraly» Zańǵa ózgerister men tolyqtyrýlar engizý týraly» zań jobasy da usynylady.