Á.Jaqsybekovtiń aıtýynsha, Elbasynyń «Rýhanı jańǵrý» baǵdarlamasyn júzege asyrýda naqty qadamdar jasalyp, ortalyq jáne jergilikti atqarýshy memlekettik organdar jumysqa belsendi qatysyp keledi. Sondaı-aq, oblystarda arnaıy komıssııalar, jobalyq keńseler, sarapshy toptar qurylyp, jumystyń alǵashqy nátıjeleri kórine bastady. «О́zderińiz kóp jumys jasalǵanyn kórdińizder. Ulttyq komıssııanyń arnaıy toptary jumystarynyń alǵashqy nátıjeleri bar. Biz osy sharalardy uıymdastyrýda jańa deńgeıge shyqtyq. Búginde jańa alfavıttiń jobasy jasaldy. Kıeli jerlerdiń geografııasy boıynsha 600 nysan belgilendi. Olardyń 22-sinde ǵylymı-restavrasııalyq jumystar bastaldy. «Týǵan jer» baǵdarlamasy boıynsha keń kólemde jumysta júrgizilýde. Mádenıet baǵytynda eń jaqsy shyǵarmalar tańdap alyndy. 17 oqýlyqqa aýdarma jasalýda. Bul osy jumystardyń basy ǵana» dedi Prezıdent Ákimshiliginiń Basshysy – Ulttyq komıssııa tóraǵasy.
Á.Jaqsybekov baǵdarlamanyń aýqymdy jalpy ulttyq jobaǵa aınalý qajettigin aıtty. Sondaı-aq, otyrysta qaralatyn eki máselege arnaıy toqtaldy. Onyń biri – «Rýhanı jańǵyrý» baǵdarlamasy boıynsha óńirlerde atqarylǵan jumystardyń alǵashqy nátıjeleri bolsa, ekinshisi – jumys toptary qyzmetiniń nátıjeleri.
Aıgúl SEIIL,
«Egemen Qazaqstan»
Sýretti túsirgen
Orynbaı BALMURAT,
«Egemen Qazaqstan»
