Shuǵyl áreket etetin arnaıy otrıad qyzmetkeri aǵa leıtenant Vasılıı Kýcherýk pen leıtenant Jánibek Kenjebekuly jáne jol-patrýldik polısııasynyń kishi serjanty Danııar Igilikov tún ortasynda oblys ortalyǵyndaǵy Ýralsk kóshesimen ketip bara jatqan jeńil masań jigitti toqtatty.
«Bul kúndelikti qujat pen telefonnyń IMEI kodyn tekserý bolatyn. Bul qoǵamdyq tártip profılaktıkasy jáne mobıldi telefondar urlyǵyn ashý úshin júrgiziledi» deıdi Vasılıı Kýcherýk.
Júrginshiniń kim ekenin anyqtaǵan soń, polıseıler onyń qolyndaǵy «Samsýng Galaksı» markaly telefonynyń kodyn tekserdi. Tekserýden keıin kezekshi bul telefonnyń 2013 jyldan beri izdeýde, onyń Qostanaı qalasynyń turǵynyna tıesili ekendigin habarlady. Ustalǵan jigit telefondy bir taksısten arzan baǵaǵa satyp alǵandyǵyn aıtty. Qazir tekserý júrgizilýde.
Jyl basynan beri Qostanaıda polıseıler 438 uıaly telefon urlyǵyn ashty. Urlyqty ashý turǵyndardy tekserý nátıjesinde múmkin boldy.
Názıra Járimbet,
«Egemen Qazaqstan»
QOSTANAI
