Endi dombyrany uıaly telefonyńyzdan tartyp, án shyrqaýyńyzǵa bolady. Eger úırengińizge kelse, tegin júkteýge de múmkindik týyp otyr. «Apple» kompanııasy maquldaǵan bul baǵdarlamanyń avtory – ońtústikqazaqstandyq IT maman Nurlan Qambar. О́nertapqysh jigit atalǵan baǵdarlamany jýyrda ǵana AQSh-taǵy «Apple» kompanııasyna maquldatyp, avtorlyq quqyq ıesi atandy.
Búginde Nurlan Baýyrjanuly Almatydaǵy Súleımen Demırel atyndaǵy Ýnıversıtettiń aqparattyq júıeler mamandyǵynyń 2 kýrsynda oqıdy. Jastaıynan oqýda ozat bolyp, zeıini zerek ósken Nurlannyń aldaǵy armany – ataqty IT maman ataný.
Dombyranyń elektrondy nusqasyn oılap tapqan 20 jasar jigitke bul ıdeıa Astanadaǵy EKSPO kórmesine barǵanda kelipti. Nurlannyń bul ıdeıasyn iske asyrýǵa belgili IT maman Arman Súleımenov aqyl-keńes beripti.
«Qazirgi tańda qazaq jastary jańashyldyqqa umtylyp, jańa tehnologııalardy ıgerýge kúsh salyp jatyr. Solardyń biri retinde men de óz baǵymdy synap kórýdi jón sanap, alǵashqy eńbegimdi júzege asyrýǵa tyrystym. Bul baǵdarlamanyń bir ereksheligi – dombyra úırenýge ári dombyra joq jerde uıaly telefonnan kúı nemese án tartýǵa múmkindik beredi. Atalǵan baǵdarlamany silteme arqyly tegin júktep alýyńyzǵa bolady», - deıdi ónertapqysh. Búginde ol jazǵy demalys kezeńin paıdalanyp Astana qalasyndaǵy Nazarbaev ýnıversıtetindegi IT mamandardan arnaıy sabaq alyp júr.
