Kezdesý barysynda energetıka, mádenıet, ǵylym jáne bilim berý salalaryndaǵy ekijaqty saýda-ekonomıkalyq yntymaqtastyq máseleleri talqylandy. Eki tarap, sondaı-aq, munaı hımııasy, aýyl sharýashylyǵy, kólik salalarynda, taza tehnologııalardy damytý men jańǵyrmaly energetıka salalarynda birlesken ınvestısııalyq jobalardy qurý men iske asyrýǵa múddeli ekenderin bildirdi.
Fernando Ýanakýnı Mamanıdiń aıtýynsha, Bolıvııa tek qana gaz sektorynda emes, sonymen qatar sırek kezdesetin metaldar men atom ónerkásibi salalarynda da seriktestikti damytýǵa ázir.
Baqytjan Saǵyntaev ekijaqty yntymaqtastyqtyń nyǵaıa túsýine qyzyǵýshylyq bildirip, Fernando Ýanakýnı Mamanıge Qazaqstannyń halyqaralyq EKSPO-2017 kórmesin ótkizýine qoldaý bildirgeni úshin alǵys aıtty.
