Jańa tennıs ortalyǵy ashyldy

Kún saıyn táýelsizdik mereıine degen jaqsy ister tizbegi aıqyndalý ús­tin­de. Tartý, ta­ral­ǵy da mol deýge bo­lady. So­nyń dálelindeı, Taldy­qor­ǵan shaharynda jańa tennıs orta­lyǵy ashy­lyp, saltanatta ob­lys áki­mi Ań­sar Musahanov sóı­lep, sala­mat­ty ómir sal­­­tyn murat etken jastarǵa sáttilik tiledi. Sáýletti or­ta­lyqtyń aýmaǵy 13 864 sharshy metrdi alyp jatyr. Onda eki jabyq tennıs korty, tórt ashyq alań or­na­lasqan. Bir mezette on eki adam tennıs oınasa, 300 kórermenniń jarysty tamashalaýǵa múmkindigi bar. Halyqaralyq tennıs federasııa­sy­nyń stan­dar­ty­na saı jabyq alańǵa «hard» tósenishi tósel­se, syrt­taǵy ashyq alańǵa «jumsaq hard» tósenishi ja­bylǵan. Jabyq ǵımarat eki qa­bat­tan turady. Birinshi qabatynda dá­rigerlik kabınet, eki oıyn zaly, ekinshi qabatynda erler men áıelderdiń kıim aýystyratyn orny, dýsh, jattyqtyrýshylar kabıneti, VIP-zal jáne oıynshylardyń tamaqtanýyna qolaıly býfet ornalasqan. Sáýletti ǵımarattyń jalpy quny 479 mln. teńgeni quraǵan. Qurylys­tyń jobasyn «Arlan» jaýapkershiligi shekteýli seriktestigi daıyndasa, qu­rylysty «SpesSantehStroı-1» jaý­apkershiligi shekteýli seriktestigi sa­lyp, qysqa merzimde el ıgiligine berdi. Ortalyqta jańa jumys oryndary ashyldy. Endi óńir namysyn qor­ǵa­ǵan tennısshimiz Gúlnaz Dókeıdiń jolyn qýǵan talaı jas tennısshige jol ashylatyn boldy. Kúmisjan BAIJAN. Almaty oblysy. –––––––––– Sýrette: tennıs ortalyǵynyń syrtqy kórinisi.